रामेछाप २७ माघ । खानेपानी सरसफाई डिभिजन नं ४ मन्थलीका प्रमुख हुपेन्द्र राज जोशी कार्यालयमा नबस्दा सेवाग्राहिहरु मर्कामा परेका छन् । प्रमुख जोशी कार्यालयमा नबस्दा कार्यालयमा काम गर्न आउने सेवाग्राहिहरु समस्यामा परेका हुन् ।
संघियताको कार्यान्वयन संगै सरकारले सिन्धुली र दोलखा जिल्लालाई समेत पाएक पर्ने गरि रामेछापको सदरमुकाम मन्थलीमा कार्यालय स्थापना गरि काम संचालन गर्दे आएको थियो । कार्यालय ३ जिल्लाको सेन्टर प्वाईन्टमा भएपनि प्रमुख कार्यालयमा नबस्दा कामको शिल शिलामा आउने सेवाग्रहिहरुले पटक पटक रित्तोहात फर्कनु परेको पनि नागरिकहरुको गुनासो रहेको छ ।
तर त्यसकुराको बेवास्ता गर्दे सेवाग्राहि हरुको समस्यालाई समेत चासो नराखि प्रमुख जोशि कार्यालयमा नबस्दा लक्षित कार्यक्रम समेत अधुरो र अपुरो हुन सक्ने अबस्था सृजना भएको छ । जोशिको अनुपस्थीतिका कारण कार्यालयको आन्तरिक काममा समेत ढिलासुस्ति हुने गरेको कर्मचारि श्रोतले बताएको छ ।
रामेछाप जिल्लामा मात्र चालु आवमा मात्र ससर्त अनुदान अन्र्तगत संघिय मन्त्रालय अन्र्तगतका ५१ वटा र प्रदेश सरकार अन्र्तगतका २९ वटा खानेपानीका आयोजना संचालनमा आएका छन् । कार्यालय प्रमुखको अनुपस्थितिमा ति आयोजनाका कामहरुको निरन्तरतामा समेत समस्या आएको छ । प्रमुख नहूँदा योजनाको ईष्टमेट,छनौट, योजना तथा कार्यालय संचालन र भुक्तानी तथा कार्यालयको दैनिक कामहरुमा पनि समस्या आएका लगायतका दर्जनौ गुनासाहरु आउने गरेका छन् ।
प्रायः कार्यालयमा बस्न नरुचाउने प्रमुख जोशी सेवाग्राहि हरुको कचकच बाट छलिन र तनाब मुक्त हुन त्यस ठाउँमा काम नहुँदा पनि साइट अफीसमा बस्ने गरेका छन् । प्रमुख नहुँदा आफु जस्तासेवाग्राहिले अनाबश्यक रुपमा दुख पाउनु परेको रामेछाप नगरपालिका ३ का बासुदेव सुवेदीले बताए । उनले भने गाडिमा ओहोर दोहोर गर्दा कारिब २ हजार रुप्ौयाँ त गाडिभाडामा मात्र जान्छ । अहिले सम्म कार्यालयमा आएर फर्किएको पनि ३ पटक भैसक्यो तै पनि मेरो काम सकिएको छैन् । कार्यालयमा पुगेर बुझदा स्टाफहरुबाट जहिले पनि एउटै जवाफ आउँछ । सर कार्यलयमा हुनु हुन्न । यसको जवाफ कसले दिने । उनले प्रति प्रश्न गरे ।
कार्यालयको काममा परेको असर र कार्यालयमा प्रमुख नबस्ने गरेको विषयमा प्रमुख जोशि संग समन्वय गर्दा उनले आफु अरु जिल्लाको लागि पनि कार्यालय प्रमुख भएकोले अन्यत्र जानु र बस्नु पर्नै हुँदा मन्थलीको कार्यालयमा नियमित समय दिन नसकेको स्वीकार गरे ।
यो बारेमा तपाईको प्रतिकृया