जिल्लाको कान्छो अध्यक्षले पाए रामेछाप नगरको जेठो जिम्मेवारी

रामेछाप । रामेछाप नगरपालिका वडा नं ७ का वडाध्यक्ष समिर कार्किलाई रामेछाप नगरकार्यपालिकाको बैठकले प्रवक्ताको जिम्मेवारी दिएको छ । नयाँ निर्वाचन पछि बिहिवार बसेको नगर कार्यपालिकाको पहिलो बैठकले कार्किलाई आगामी ५ बर्षको लागि उक्त जिम्मेवारी दिने निर्णय गरेको हो ।
अघिल्लो कार्यकालमा पनि जिल्लाका वडाध्यक्षहरु मध्य कान्छो उमेरका अध्यक्षको पहिचान बनाएका कार्किलाई जिम्मेवारी पुर्वक वडाध्यक्षको जिम्मेवारी पुरा गरेको आधारमा कार्यपालिकाको प्रबक्ताको जिम्मेवारी दिएको हो । प्रबक्ताको लागि नगर प्रमुख लबश्री न्यौपानेले कार्किको नाम प्रस्ताव गरेपछि सर्ब सम्मत रुपमा उनको नाम अनुमोदन भएको पनि कार्यपालीकाले जनाएको छ ।
यस पटका पनि जिल्लाका ६४ वडा वडाध्यक्ष मध्य कम उमेरका कार्कि ३० बर्ष मात्र लागेका छन् । उमेरले जिल्लाका सबै वडाध्यक्ष भन्दा कान्छो रहेका कार्किले निर्वाचनमा १३ सय ८३ मत पाएका थिए भने उनको प्रतिस्पर्धि नेकपा एमालेका धु्रब बस्नेतले भने ४ सय ६३ मत प्राप्त गरेका थिए ।