रामेछाप, २२ जेठ । भर्खरै सम्पन्न स्थानिय तहको निर्वाचनबाट निर्वाचित रामेछाप जिल्लाका जन प्रतिनिधिहरुले आफनो पालिकालाई नीति ,विधि र पद्धतिमा लैजान आफुहरुले सबै संगै हातेमालो गरेर जान चाहेको बताएका छन् । सो कुरा उनीहरुले आईतबार नेपाल पत्रकार महासंघ,जिल्ला सहकारी संघ र रामेछाप उद्योग बाणिज्य संघ मन्थली द्धारा संयुक्त रुपमा सदरमुकाम मन्थलीमा आयोजित बधाई, स्वागत तथा शुभकामना आदान प्रदान कार्यक्रमका अबसरमा बताएका हुन् ।
उनीहरुले विगतको नेतृत्वले गरेका राम्रा र नराम्रा दुवै थरि काम बाट पाठसिक्दै बर्तमानको धर्तिलाई टेकेर पालिकाको संम्बृद्धिका लागि लागि पर्ने पनि बताए ।
त्यसका लागि जिल्लाका तीनवटै संस्थाको सहयोग आबश्यक पर्ने भएकोले प्राप्त सुझाबलाई पनि आफुहरुले मार्ग दर्शनका रुपमा लिएर काम गर्न चाहेको पनि उनीहरुले बताए । सो अबसरमा मन्थली नगरपालिकाका प्रमुख लब श्रेष्ठले आफुले नीति,बिधि र पद्धतिको अनुसरण गर्दै काम गर्ने सोच बनाएकोले सोहि आधारमा सबै पक्षलाई सहयोग गर्न पनि आग्रह गरे ।
उनले अधिकार खोज्दै गर्दा कर्तव्य पनि भूल्न नहुने भन्दै सबैलाई आफनो कर्तब्य परायणतालाई पनि नभुल्न सुझाब दिए । मन्थली नगरले आगामी आर्थिक वर्ष २०७९÷०८० को बजेट पनि सोहि आधारमा ल्याउने भएकोले सकरात्मक सहयोगका लागि पनि उनले सबै संग आग्रह गरे ।
कार्यक्रममा बोल्दै रामेछापका नगर प्रमुख लब श्री न्यौपानेले पालिकाहरुलाई उत्पादन संग जोड्न नसके सम्म नगरको संबृद्धि संभव नहुने बताए । उनले किसानले उत्पादन गरेको कृषि उपजहरुको उसको लागतका आधारमा न्युनतम मुल्य निर्धारण गर्ने रामेछाप नगरपालिकाको लक्ष्य रहेको पनि बताए । रामेछाप जिल्ला मासुमा आत्मनिर्भर भैसकेकाले अब अन्य उपजहरुमा पनि आत्मनिर्भर तथा उत्पादीत बस्तुको निर्यात गर्नसक्नेगरी लाग्न पनि उनले सबैलाई आग्रह गरे ।
खाँडादेवी गाउँपालिकाका अध्यक्ष ज्ञानकुमार श्रेष्ठले कृषि कहिलेपनि नाफामा जाने पेशा नभएकाले अहिले किसानलाई प्रदान गरिरहेको अनुदान कार्यक्रमले मुलुकलाई समृद्ध बनाउन नसक्ने बताए । उनले कृषि क्षेत्रको विकास विना बाँकि बिकासले मात्र संमुद्धि आउन नसक्ने ठोकुवा गर्दे यसका लागि संघ, प्रदश र पालिकाको बजेटले नपुगेको खण्डमा अन्य क्षेत्रको सहयोग जुटाउने अभियानमा लाग्ने योगना पनि आफुसंग रहेको बताए ।
कार्यक्रममा लखिुतामाकोसी गाउँपालिका अध्यक्ष केशव महत, गोकुल गंगा गाउँपालिकाका अध्यक्ष काजि बहादुर खड्का सुनापति गाउँपालिकाका अध्यक्ष ठुलोकान्छा तामाङले पनि कृषि क्षेत्रको लगानीलाई बैज्ञानिक तरिकाले ब्यवस्थान पन गर्न सकेमा आफनो पालिकाको विकास र संमृद्धि संभब रहेको बताए । रामेछाप उद्योग वाणिज्य संघका अध्यक्ष केशव घिमिरेको अध्यक्षतामा भएको उक्त कार्यक्रमा उमाकुण्ड गाउँपालिकाकी उपाध्यक्ष सावित्री सुनवार,नेपाल पत्रकार महासंघका अध्यक्ष बद्री नयाँघरे, नेपाल पत्रकार महासंघ बागमती प्रदेशका कोषाध्यक्ष रमेश ढुंगेल,जिल्ला सहकारी संघका अध्यक्ष हिमाल ढुंगेल,रामेछाप उद्योग बाणिज्य संघका निर्वतमान अध्यक्ष श्याम थापा लगायतका बक्ताहरुले सबै संग सहकार्य गर्दे अघि बढ्न सुझाब दिदै नव निर्वाचित पदाधिकारीहरुलाई बधाई तथा कार्यकाल सफलताको कामना गरेका थिए ।
जिल्ला सदरमुकाम मन्थलीमा आइतबार आज नवनिर्वाचित आठ वटै स्थानीय तहका जनप्रनिधिहरुलाई बधाई तथा शुभकामना दिन नेपाल पत्रकार महासंघ, जिल्ला सहकारी संघ र उद्योग बाणिज्य संघ रामेछापले संयुक्त रुपमा उक्त कार्यक्रमको आयोजना गरेका थिए ।
यो बारेमा तपाईको प्रतिकृया