समाचार अपडेट
लुभु दुर्घटनामा मृतकको संख्या १३ पुग्यो १२ जनाको सनाखत ्
रामेछाप २१ असार । मंगलबार सुनापति गाउँपालिकाको लुभुमा भएको बस दुर्घटनामा परि मृत्यु हुनेको संख्या १३ पुगेको छ । अस्पतालमा भर्ना भएका गम्भिर विरामी चारै जनाको मृत्यु भएपछि मृतकको संख्या १३ पुगेको हो । मृतक १३ मध्ये १२ जनाको शब भने सनाखत भैसकेको छ ।
मृत्यु हुनेहरुमा सुनापति गाउँपालिका–५ खनियापनीका ४० बर्षिय ठूला तामाङ, सोही वडाका बर्ष ३६ का खड्ग बहादुर विक, सुनापति गाउँपालिका–४ बेथानका समृता तामाङ, काभ्रे पाँचखाल नगरपालिका–८ का २५ बर्षिय कमल तामाङ, सोही वडाका बर्ष १८ का सुदिप बजगाई, सुनापति गाउँपालिका–५ कै २२ बर्षिय विपना तामाङ, काभ्रे मण्डनदेउपुर गाउँपालिका–९ का शिवलक्ष्मी मानन्धर रहेका छन् ।
सुनापति गाउँपालिका–५ का बर्ष ३६ की सन्जु आलेमगर, काभ्रे पाँचखाल नगरपालिका–८ का ४० बर्षिय तुलबहादुर विक रहेका छन् । यसैबीच दुर्घटनामा परी घाइते भएर उपचारका लागि धुलिखेल पठाइएका चार जनाको पनि उपचारको क्रममा धुलिखेल अस्पतालमा निधन भएको छ । निधन हुनेहरुमा सुनापति गाउँपालिका–५ का ४५ बर्षिय रामबहादु श्रेष्ठ, सोही वडाका २४ बर्षिय बृद्ध तामाङ र बर्ष ६० का नेमा तामाङ र अन्य एक जनाको लास भने सनाखत हुन बाँकि रहेको रहेको रामेछाप प्रहरी प्रमुख डिएसपी राजकुमार थिङले घटना स्थलबाट जानकारी दिएका छन् ।
यो बारेमा तपाईको प्रतिकृया