रामेछाप, २७ साउन । आदिवासी जनजाति पत्रकार महासंघ (फोनिज) जिल्ला शाखा रामेछापले आफ्नो २३ औं स्थापना दिवसको अवसरमा जिल्लाका दुई जना सक्रिय पत्रकारलाई पुरस्कृत तथा सम्मान गरेको छ । शुक्रबार मन्थली नगरपालिकाको सभाहलमा मनाईएको स्थापना दिवसका अवसरमा फोनिज को २३ औं स्थापना दिवसको अवसर पारेर नेपाल आदिवासी जनजाति पत्रकार महासंघ रामेछापले आयोजना गरेको एक कार्यक्रममा उत्कृष्ठ आदिवासी जनजाति पत्रकारीता बर्ष पुरस्कार–२०७९ बाट नवराज श्रेष्ठलाई र खोज पत्रकारीता बर्ष पुरस्कार बाट पत्रकार टिका प्रसाद भट्ट लाई सम्मान गरिएको हो ।
श्रेष्ठलाई नगद रु १० हजार सहित र भट्टलाई नगद रु ५ हजार सहित सम्मान पत्र र दोसल्लाले सम्मान गरिएको थियो । उहाँहरुलाई प्रमुख अतिथि युवराज श्रेष्ठ, विशिष्ठ अतिथि द्वय मन्थली र रामेछाप नगरका उप प्रमुख सहितले संयुक्त रुपमा सम्मान गर्नु भएको हो ।
सम्मानित भट्टले विगत ३० वर्षदेखि जिल्लामा पत्रकारीता गर्दै आउनु भएको छ भने श्रेष्ठ ग्यालेक्सि टेलिभिजन, जिल्लाका रेडियो, अनलाईन लगाएत बिभिन्न मिडियामा आबद्ध हुनुहुन्छ । यस अघि ३ जना जनजाति पत्रकारहरुलाई पुरस्कृत गरेको (फोनिज) ले यो पटक एक पुरस्कार राशी थप गर्दै दुई जनालाई सम्मान गर्न पाउँदा आफु र आफनो संस्थालाई गर्ब लागेको कार्यक्रमका अध्यक्ष कुमार श्रेष्ठले बताउनु भयो ।
सो अबसरमा पुुरस्कार राशीका संस्थापक तथा फोनिजका पूर्ब अध्यक्ष सुमित श्रेष्ठले कार्यपत्र प्रस्तुत गर्नु भएको थियो । उहाँले हालसम्म फोनिज रामेछापले अहिले सम्म गरेको काम तथा संस्थाको उद्देश्यका बारेमा पनि जानकारी गराउनु भएको थियो ।
फोनिज जिल्ला अध्यक्ष कुमार श्रेष्ठको अध्यक्षतामा भएको उक्त कार्यक्रमको प्रमुख आतिथ्यता तथा कार्यक्रमको उद्घाटन् फोनिज बागमति प्रदेशका अध्यक्ष युबराज श्रेष्ठले गर्नु भएको थियो । सो अबसरमा मन्थली नगरपालिकाकी उप प्रमुख ईश्वरी बस्नेत,रामेछाप नगरपालिकाकी उप प्रमुख वाल कुमारी कार्की ,नेकपा एमालेका अध्यक्ष आनन्द श्रेष्ठ,नेपाल पत्रकार महासंघ बागमति प्रदेशका कोषाध्यक्ष रमेश ढुँगेल,नेपाल पत्रकार महासंघका अध्यक्ष बद्री नयाँघरे,उद्योग वाणिज्य संघ रामेछापका अध्यक्ष केशब घिमिरे,प्रेश चौतारी नेपालका ईन्चार्ज विफा घिसिङ्ग,नेपाल प्रेश युनियनका अध्यक्ष अप्रिल अधिकारी लगाएतका बक्ताहरुले फोनिज स्थापना दिबसका अबसरमा सबै फनिज कर्मिहरु लाई शुभकामना दिनुका साथै सम्मानित पत्रकारद्धयलाई बधाई दिनुभएको थियो ।
यो बारेमा तपाईको प्रतिकृया