रेडक्रस रामेछापमा पुनः शिब कार्की

रामेछाप, २९ साउन । नेपाल रेडक्रस सोसाइटी रामेछाप जिल्ला शाखाको आईतबार मन्थलीमा सम्पन्न ११ औ अधिबेसनले शाखाका निवर्तमान सभापति शिब कुमार कार्की लाईनै पुनः सभापति पदमा निर्वाचित गरेको छ । निर्वाचनमा कार्किले ५३ मत प्राप्त गरेका छन् भने उनका प्रतिद्धन्दि जय प्रकाश श्रेष्ठले ५० मत पाएका थिए ।
निर्वाचन विधिबाट भएको अधिबेशनले महिला उपाध्यक्षमा कल्पना केसी बोहोराले ५३ मत प्राप्त गरिन भने उनकि निकटतम् प्रतिद्धन्दि पार्वति कडरियाले ४९ मत प्राप्त गरिन् । त्यस्तै उपसभापति पदमा नारायण दास श्रेष्ठ ५६ मत प्राप्त गरी विजयी भए भने उनका निकटतम् प्रतिद्धन्द्धि विरेन्द्र श्रेष्ठले ४५ मत प्राप्त गरेका छन् ।
त्यसैगरी शाखाको मन्त्री पदमा दुर्गा श्रेष्ठ ५४ मत ल्याएर विजयी बने । उनका प्रतिद्धन्द्धि हेमन्त पौडेलले भने ४८ मत प्राप्त गरेका थिए । कोषाध्यक्ष पदमा पुराना कोषाध्यक्ष दिनेश कुमार कार्कि (अत्याधिक)_ ६१ मत प्राप्त गरि विजयी भएका छन् । उनका प्रतिद्धन्द्धि भीम बहादुर तामाङ्गले ३९ मत प्राप्त गरेका छन् । उप कोषाध्यक्ष पदमा यतनहरी सुवेदी अर्का प्रत्यासि श्री बहादुर माझीको ४८ मतका विरुद्ध ५३ मत प्राप्त गरी विजयी भएका छन् ।
३ जना महिला सदस्य पदमा क्रमशः विष्णु लक्ष्मी उप्रेती,कमला कुमारी खड्का र शुशिला गुरङ्ग,विजयी भएका छन् । त्यसैगरी ७ जनाको खुल्ला सदस्य पदमा क्रमशः ढाल विक्रम कार्कि,राजेन्द्र बहादुर कार्की,ध्रुव खड्का,रमेश उदास, यादब प्रसाद दहाल, कृष्ण प्रसाद उप्रेति, र उज्वल पाठक विजयी भएको निर्वाचन समितिले जनाएको छ ।
दिउँसो भएको मतदान प्रकृयामा १ सय ७ जना मतदाता रहेको रेडक्रसमा कुल १ सय ३ मत मात्र खसेको थियो । नेतृत्वका लागि बर्तमान अध्यक्ष शिब कुमार कार्की र मन्त्री जय प्रकाश श्रेष्ठ प्रतिस्पर्धामा उत्रिएकामा कार्कीलाई नेकपा एमाले र नेपाली काँग्रेसका मतदाताहरुको समर्थन रहेको थियो । अर्का प्रत्यासि श्रेष्ठलाई भने नेकपा एमाओवादी र नेकपा समाजवादी पार्टिको समर्थन रहेको थियो । कार्कि र श्रेष्ठ दुवै जना एकै टीममा रहेर लामो समय देखि नेपाल रेडक्रस सोसाइटी रामेछाप जिल्ला शाखाको अध्यक्ष र मन्त्री पद सम्मालि सकेका ब्यक्ति हुन् ।
दुवै जना एमाओवादी समर्थक भएका र अधिबेशनमा एनेकपा माओवादी निकट प्रतिनिधिहरुकै बाहुल्यता रहेका कारण दुवै जना अध्यक्ष पद जित्ने विश्वासका साथ चुनावि मैदानमा होमिएका थिए । १ सय ७ जना मतदाता रहेको रेडक्रसमा एमाओवादी निकट प्रतिनिधिहरुको संख्या ६१ रहेको थियो । त्यसैगरि एमाले निकट २५,नेपाली काँग्रेस निकट १६ र नेकपा एस निकट ५ जना प्रतिनिधि प्रतिनिधिको रुपमा चुनिएर आएका थिए ।