रामेछाप । नेपाली कांग्रेस रामेछापको बैठकले महाधिबेसन प्रतिनिधी ध्रुवहरी ढुङ्गेललाई प्रशिक्षण समितिको संयोजक तोकेको छ । शुक्रबार सम्पन्न जिल्ला संगठन विभागको बैठकले ढुङ्गेलको संयोजकत्वमा जिल्ला प्रशिक्षक समिति गठन गर्ने निर्णय गरेको हो । नब गठित समितिका सदस्यहरुमा क्रमश डा. सुमन कर्माचार्य, गुञ्जवहादुर श्रेष्ठ, शिव श्रेष्ठ केशवप्रसाद चालिसे र डा. भरत कुमार श्रेष्ठ, रहनु भएको छ ।
त्यसैगरि बैठकले यहि भदौं १७ र १८ गते अगुवा कार्यकर्ताका लागि अभिमुखीकरण कार्यक्रम राख्ने निर्णय गरेको छ । अभिमुखीकरण कार्यक्रमका लागि केन्द्रीय सदस्य डा. मिनेन्द्र रिजाल र नेता मिन विश्वकर्मा सहभागि हुने कार्यालय सचिब कृष्ण बस्नेतले जानकारी दिनु भयो । भदौ १७ गतेको कार्यक्रममा स्थानिय निकाएमा पार्टीको तर्फबाट विजयी जनप्रतिनिधिहरुलाई सम्मान र अभिमुखीकरण गर्ने कार्यक्रम पनि तय भएको छ ।
प्रशिक्षणमा नेपाल कांग्रेस र उसले प्रजातन्त्र प्राप्तिका लागि खेलेको भूमिका, प्राप्त उपलव्धिको रक्षा, वर्तमान सन्दर्भमा कांग्रेस कार्यकर्ताले खेल्नुपर्ने भूमिका र जन प्रतिनिधीहरुको जिम्मेवारी, आसन्न निर्वाचन लक्षित कार्यक्रम लगाएतका विषयलार्य समावेस गराईने छ । सो अबसरमा केन्द्रीय सदस्य डा. मिनेन्द्र रिजाल पनि प्रशिक्षकको रुपमा सहभागि हुने जानकारी पनि बस्नेतले दिनुभयो । भदौ १८ गते भने वडा तह देखि जिल्लाका पदाधिकारी, आमन्त्रित सदस्य, प्रदेश सदस्य , महाधिवेशन प्रतिनिधि लगाएतको सहभागिता रहने र उक्त दिनका सहभागिहरुलाई भने केन्द्रीय सदस्य मिन विश्वकर्माले प्रशिक्षण दिने कार्यक्रम पनि पार्टिले तय गरेको छ ।
यो बारेमा तपाईको प्रतिकृया