रामेछाप । रामेछापमा डेंगिका बिरामी १६ पुगेका छन् । केहीदिन देखी देश भरका विभिन्न ठाउँमा डेंगिका बिरामी बढ्दै जाँदा रामेछापमा पनि एक हप्ताको विचमा डेंगीका विरामीको संख्या १६ पुुगेको हो ।
जिल्ला अस्पताल रामेछापले दिएको जानकारी अनुसार अहिले रामेछाप जिल्ला अस्पतालमा ११ जना र मन्थली अस्पतालमा ५ जना डेंगीका बिरामीहरुले उपचार गराई रहेका छन् । केही दिनदेखी रामेछापका डेंगीका बिरामीहरु बढे संगै उपचार र स्वास्थ परिक्षणको लागि आउनेहरुको संख्या दिनानु दिन बढेको छ । जिल्ला स्वास्थ्य कार्यालय रामेछापका जनस्वास्थ्य अधिकृत भुवन थापाले जानकारी दिए ।
अस्पतालमा ज्वरोको परिक्षणका लागि आएका विरामीहरुको स्वास्थ्य परिक्षण गर्दा एक पछि अर्काैमा डेंगुु संक्रमण भेटिए पछि उनिहरुलाई अस्पतालमाननै राखेर उपचार भईरहेको हो । मन्थली अस्पतालमा ज्वरो आउने मानिसहरुक जिउ दुख्ने, पेट दुख्ने, खानमन नलाग्ने जस्ता लक्षण देखिएका हरुको मात्र स्वास्थ्य परिक्षण गरेको थियो । जसमध्ये ५ जनाको डेंगुु परीक्षण गर्दा उनीहरुमा डेंगु सक्रमण पुष्टि भएको र बिरामीहरुलाई झुल भित्र राखेर उपचार गरिरहेको मन्थली अस्पतालका डा.केशव धामीले जानकारी दिए । यो संगै यसको संक्रमण बढ्न सक्ने भन्दै नागरिकहरुले चिन्ता ब्यक्त गरेका छन् ।
यो बारेमा तपाईको प्रतिकृया