रामेछाप । नयाँ नयाँ जन प्रतिनिधिहरुको आगमन संगै नागरिकको पक्षमा काम गर्न होडबाजीनै चलेको छ । गत आबमा सबै नागरिकहरुलाई हिल टेक ट्याँकि वितरण गरेको रामेछाप नगरपालिका–८ ले यस वर्ष वडाका सबै नागरीकको निशुल्क स्वास्थ्य बिमा संगै नियमित बचतका लागि खुत्रुके वितरणको कामको आरम्भ गरेको छ । कार्यालयले आज साविकको वडा नं २ सल्लेमा एक औपचारीक कार्यक्रमको आयोजना गरी निशुल्क स्वास्थ्य बिमा संगै खुत्रुके बितरणको काम सुरु गरेको जानकारी गराएको हो ।
उसले रामेछाप नगरपालिका प्रमुख लबश्री न्यौपाने लाई प्रमुख अतिथि बनाएर सोमबार बाट उक्त कार्यको थालनी गरेको हो । कार्यक्रमको आरम्भ गर्दै प्रमुख न्यौपानेले निशुल्क स्वास्थ्य बिमा कार्यक्रम सुरु गरेको वडा नं ८ को सेवालाई अन्यत्र वडामा पनि संचालन गर्नका लागि नगरपालिकाले पनि आबश्यक सहयोग गर्नै सोच बनाएको बताउनु भयो । सो क्रममा न्यौपानेले नगरले नगरको विकास र नागरिको हितका लागि कुनै पनि कसुर बाँकि नराख्ने भन्दै आफनो कार्यकालमा स्वास्थ शिक्षा र सडक तथा भौतिक संरचना निर्माणका क्ष्ोत्रमा धैरै काम गरेर देखाउने भिजन आफुसंग रहेको दावि पनि गर्नु भयो ।
कार्यक्रमका अबसरमा प्रमुख अतिथि न्यौपाने र उपप्रमुख बाल कुमारी थापा कार्कीले सल्लेका स्थानियलाई बिमा पत्र हस्तान्तरण गर्नुभएको थियो । कार्यक्रमका अबसरमा वडा अध्यक्ष सन्तोष तामाङ्कले उपचार खर्चको अभावमा वडाका कुनै पनि नागरीकले ज्यान गुमाउन नपरोस भनेर वडाका सबै नागरीकको पहुँचमा निशुल्क स्वास्थ्य बिमा गर्ने कार्यक्रम तय गरेको जानकारी दिनु भयो ।
स्वास्थ विमा कार्यक्रम लागु भएको लामो समय वितिसक्दा पनि अधिकांस वडावासिहरु स्वास्थ्य विमाको पहुँच बाहिर रहेको र उनिहरुलाई विमाको पहुँच भित्र ल्याउन सकियोस भन्नका लागि वडा कार्यालयले पहिलो एक पटकका लागि भनेर सबै घरमा सेवा प्रवाह गर्न लागेको जानकारी पनि अध्यक्ष तामाङले दिनु भयो । निशुल्क विमा नहुँदा कतिपयले उपचार खर्चको अभावमा छटपटाउनु परेको भन्दै त्यस खालको कर्मबाट नागरिकलाई मुक्ति दिलाउनका लागि वडा कार्यालयले सेवा आरम्भ गरेको पनि वडाअध्क्ष तामाङले जानकारी दिनु भयो ।
स्वास्थ्य बिमा प्रति नागरीकहरुको आकर्षण बढाउन र सबै नागरिकहरुलाई स्वास्थ्य उपचारमा सरल र सहज पहुँच पुर्याउने उद्देश्यले वडामा रहेका सबै घर परिवारलाई उक्त सेवामा समाहित गराउन लागिएको हो । अभियानलाई आगामि बर्ष पनि क्रमशः अन्य टोलहरुमा विस्तार गरि सबै घर परिवार सम्म लैजानै निति पनि कार्यलयले लिएको छ ।
प्रकृया अनुसार वडा कार्यालयले हरेक परिवारको ५ जनाको स्वास्थ्य बिमा निशुल्क गरिदिने छ भने अर्कोे पटकको विमा नविकरणमा सहज होस भन्न र नियमित बचत प्रति पे्ररणा दिलाउन खुत्रुके वितरण गरिएको पनि सो अबसरमा जानकारी दिईएको थियो ।
कार्यक्रमा नेपाली काँग्रेस रामेछापका उप सभापति लेख बहादुर कार्किले वडा कार्यालयले गरेको कामको प्रशंसा गर्नु हुँदै जन प्रतिनिधिलाई ईमान्दारीतका साथ नागरीकको पक्षमा काम गर्दै नागरिकको विश्वास जित्न आग्रह गर्नु भएको थियो ।
यो बारेमा तपाईको प्रतिकृया