रामेछाप । जिल्ला अस्पताल रामेछापमा पहिलो पटक रक्तसञ्चार केन्द्र (ब्लड बैंक) संचालनमा आएको छ । अस्पतालले नागरिकहरुको सेवामा सहयोग पुगोस भन्नका लागि आज जिल्ला अस्पतालमै रामेछाप नगरपालिकाको सहयोगमा ब्लड बैँकको स्थापना गरिएको हो । अस्पतालले संंविधान दिवसको अवसर पारेर रामेछाप नगरपालिकाका प्रमुख लबश्री न्यौपानेको प्रमुख आतिथ्यतामा ब्लड बैँकको आरम्भ गरेको हो ।
कार्यक्रमको उद्घाटन तथा आरम्भ गर्दे नगर प्रमुख न्यौपानेले रगत अभावमा कसैले पनि ज्यान गुमाउन नपरोस भन्नका खातिर पहिलो पटक जिल्ला अस्पतालमै ब्लड बैँकको स्थापना गरेको जानकारी दिनुभयो । सो अबसरमा उहाँले अस्पतालमा आउने जटिल किसिमका बिरामीलाई आवश्यक पर्ने रगत अब सहज रुपमा जिल्ला अस्पतालमै उपलब्ध हुने भएकोले जिल्ला अस्पतालको गुणस्तरिय सेवा प्रवाहमा नगरपालिकाले निरन्तर सहयोग गर्दे आएको जानकारी पनि दिनु भयो । उहाँले यो संगै अरु सेवामा पनि जिल्ला अस्पतालको भूमिका अब्बल रहेको भन्दै त्ययसको टीकाउका लागि पनि नगरले निरन्तर काम गर्दे जाने बताउनु भयो ।
कार्यक्रमका अबसरमा जिल्ला अस्पतालका निमित्त मेडिकल सुपरिटेन्डेण्ट डाक्टर गगन अधिकारीले जिल्ला अस्पतालको उपचार सेवामा कुनै पनि कमि आउन नदिन अस्पताल प्रयत्नशिल रहेको बताउनुभयो । उहाँले अस्पतालको गुणस्तिरिय उपचारमा आफुहरु दिन रात खटिरहेको भन्दै आगामी मंसिर बाट जिल्ला अस्पतालबाट मृगौला रोगिहरुका लागि डाइलसिस सेवा सुरु गर्ने तयारी भैरहेको जानकारी पनि दिनु भयो ।
कार्यक्रमका अबसरमा अस्पताल विकास समितिका अध्यक्ष यम पाख्रिनले जिल्ला अस्पतालमा ब्लड बैंकको स्थापना भएसंगै अस्पतालले आफनो सेवा प्रवाहमा थप गति दिने बिश्वास गर्नू भयो । सो अबसरमा उहाँँले सेवा संचालनमा आए संगै प्रसुती गराउन आउने आमाहरु, दुर्घटनामा परेका घाइते तथा अपरेशन गर्नुपर्ने बिरामीको लागि तत्काल आवश्यक रगत व्यवस्था गर्न समस्या नपर्ने जानकारी पनि दिनु भयो ।
सो अबसरमा उहाँले अस्पतालले संचालनमा ल्याएको सेवाहरुलाई अझ सुदृढ गर्दै लैजाने क्रममा अस्पताल ब्यवस्थापन समितिको योजना रहेको जानकारी पनि दिनु भयो । उहाँले अस्पतालले विभिन्न रोगहरुको अपरेशन,आकस्मिक प्रसुतिजन्य शल्यक्रिया लगायत विभिन्न सेवा सुविधाहरु थप गरेसँगै उपचार गर्न आउने सेवाग्राहीहरुको संख्यामा पनि बृद्धि भएको जानकारी दिनु भयो । सो कार्यक्रममा विभिन्न क्षेत्रबाट गरि कुल ४० जनाले उक्त बैंकका लागि रक्तदान पनि गरेका थिए ।
संंविधान दिवसको अवसर पारेर गरिएको उक्त कार्यक्रममा रामेछाप नगरपालिकाकि उप प्रमुख बाला कार्कि,प्रमुख जिल्ला अधिकार दीपक पहाडी,नेपालि काँग्रस रामेछापका जिल्ला उप सभापति लेख बहादुर कार्कि ,जिल्ला रेडक्रसका सदस्य ढाल विक्रम कार्कि,नेपाल पत्रकार महासँघका अध्यक्ष बद्री नयाँघरे लगायतका बक्ताहरुले अस्पतालमा ब्लड बैंकको स्थापना भएसंगै अस्पतालले आफनो सेवा प्रवाहलाई अझ विश्वासिलो र नागरिक मैत्री बनाउँदै अघि बढाउन आग्रह गर्नु भएको थियो ।
यो बारेमा तपाईको प्रतिकृया