रामेछाप, १३ असोज । हिन्दुत्वको जगेर्ना गर्दे धर्म संस्कृति र संस्कारयुक्त शिक्षा मार्फत बाल बालिकालाई असल नागरिक बनाउँने अभियानमा संलग्न हिन्दुस्वयं सेवक संघ नेपालले सदरमुकाम मन्थलीमा ७ दिने प्राथमिक शिक्षा बर्ग तालिम संचालन गरि रहेको छ । तालीममा रामेछाप,सिन्धुली र दोलखा जिल्ला बाट गरि ५५ जना छात्रहरुको सहभागिता रहेको छ ।
स्थानिय नागकन्या मबिमा आयोजना गरिएको उक्त तालिम असोज १० देखि १६ गते सम्म संचालन हुने आयोजक पक्षले जनाएको छ । सबैका लागि खान पान र बसाई समेत निशुल्क गरिएको कक्षाका लागि स्वयंसेवक संघ संजाल भित्र आवद्ध विभिन्न विधाका विज्ञहरुले तालिम दिंदै आएको संस्थाका बरिष्ठ व्यक्तित्व रामचन्द्र कडेलले जानकारी दिनु भयो ।
प्रशिक्षार्थि हरुले अत्यन्त मनोरन्जनात्मक शैलिमा सैनिक अनुशासनको परिधि भित्र रहेर गरिने कक्षा अन्र्तगत विहान ५ बजे उठेर नित्य कर्म गर्ने छन् । त्यसपछि भगवानको स्तुति र देश भक्ति भजन बाट कक्षा आरम्भ हुने गरेको छ उक्त कार्यक्रम बेलुकि १० बजे पछि मनोरन्जनात्मक र रमणिय तरिकाले संचालन हुने गरेको छ ।
अभियान अन्र्तगत विहान नित्य भजन र नियमित ब्यायम गराउँदै बेलुकि १०बजे कक्षा संचालन गर्ने नियमित कार्यक्रम पनि तय भएको छ ।
मनोरन्जन अनि ,विभिन्न खेलकुद र धार्मिक शिक्षा संगै नैतिक शिक्षाको नियमित कक्षा संचालन हुने गरेकोले कक्षामा बाल बालिकाको आर्कर्षण बढेको संघका जिल्ला संघ चालक पुरुषोतम् घिमिरेले जानकारी दिनुभयो । बुधबार मन्थली नगरपालीकाका प्रमुख लब श्रेष्ठले पनि उक्त कक्षाको अबलोकन गर्नु भएको थियो ।
उक्त कक्षामा बसोबास र भोजनका लागि मन्थली र रामेछाप नगरपालीका तथा स्थानिय समाजसेवी र ब्यावसायीहरुले समेत नगद र खाद्यन्न सामाग्रि सहयोग गरेका छन ।
देशभर संजाल रहेको संघले विषेश गरि वाल वालिका हरुको अध्ययन गर्ने बानीमा सुधार गरि स्वभाब ,बानि ब्यहोरामा पनि परिवर्तन ल्याएर राष्ट्रवादी नागरिक निर्माण गर्न सकियोस भन्ने उदेश्यले विभिन्न विद्यालयमा अध्ययनरत १४ बर्ष सम्मका सबै जात र बर्गका छात्रहरु स्वैच्छिक रुपमा सहभागि भएको पनि आयोजक पक्षले जनाएको छ ।
यो बारेमा तपाईको प्रतिकृया