रामेछाप १७ पुस । भर्खरै मात्र नयाँ प्रमुखको जिम्मेवारी सम्मालेका रामेछापका प्रहरी प्रमुख एवं प्रहरी नायव उपरीक्षक होमबहादुर पराजुलीले ‘‘ आफुले कसैको प्रभाव र दबाबमा नपरि उत्कृष्ठ काम गरेर देखाउने प्रतिबद्धता ब्यक्त गरेका छन् । उनले आफु जिल्लामा रहुन्जेल कानुनको परिधि भित्र रहेर नागरिकको विश्वास प्राप्त बर्दिको रक्षाका लागि काम गर्न चाहेको भन्दा त्यसका लागि आफुलाई सबैले सहयोग गर्न आग्रह गरे । सो कुरा उनले आईतबार आफनै सभाहलमा पहिलो पटक जिल्लामा रहेका संचारकर्मिहरु संगको भेटघाटका क्रममा बताएका हुन् । प्रहरी प्रमुखको रुपमा ४ दिन अघि मात्र रामेछाप आईपुगेका प्रहरी नायव उपरीक्षक होमबहादुर पराजुलीले आफुले राजनीतिक प्रभावमा नपरी निष्पक्ष रूपमा काम गरेर देखाउने दावि पनि गरेका छन् । उनले आफु कुनै राजनीतिक दल तथा व्यक्तिको सिफारिसमा रामेछाप नआएको भन्दै आफूले गर्ने काममा कुनै पनि राजनीतिक प्रभाव आउला भन्ने आफुलाई नलागेको पनि बताए । जिल्लाका आम नागरिकको शान्ति सुरक्षा तथा अमन चयनका लागि जनशक्तिको पर्याप्तता नभएको भन्दै उनले जिल्लामा भएका स्रोत साधन र जनशक्तिलाई भरपुर उपयोग गरी प्रहरीको कामलाई थप प्रभावकारी बनाउने प्रतिबद्धता पनि जनाए ।
जिल्लामा हाजिर भएको दिन देखिनै आफुले जिल्लामा अवैध रुपमा नदीजन्य पदार्थको अबैध रुपमा उत्खनन र निकासि भएको कुरा सुन्न आएकाले प्रहरीले यसलाई मुख्य केन्द्र विन्दु बनाएर काम गर्ने र आवश्यक अनुसन्धान गरी अवैध रूपमा हुने नदीजन्य उत्खनन तथा चोरी निकासीलाई रोक्नका लागि पहल गर्ने बनाउनु भयो ।
जिल्लाको विभिन्न स्थानमा प्रहरी चौकी राख्न माग भएकाले आवश्यकताको पहिचान गरी श्रोत र साधानको परिधि भित्र रहेर चौकी थप गर्ने तर्फ पनि आफु क्रियाशिल रहने पनि प्रमुख पराजुलिले बताए । जिल्लामा आत्महत्या र जबरजस्ती करणीका घटनाहरू अत्याधिक मात्रामा बढिरहेको कुरा कार्यालयको तथ्यांक बाट पुष्टि भएको भन्दै यस्ता घटनालाई कम गर्नका लागि समुदाय , आम संचारका माध्यम र विद्यालय स्तर सम्म पुगेर काम गर्ने पनि प्रमुख पराजुलिले बताए । उनले भने उपलब्ध स्रोत र साधनको उच्चतम प्रयोग गरी जिल्लाको शान्ति,सुरक्षा, यहाँको विकास निर्माण लगाएतका काममा हुने बेथिति र आपराधिक क्रियाकलापलाई रोक्नका लागि आफुले महत्वपुर्ण भूमिका खेल्ने विश्वास दिलाए ।
यो बारेमा तपाईको प्रतिकृया