रामेछाप । गत २५ दिन देखि जिल्ला प्रहरीकार्यालय रामेछापको हिरासतमा रहेका लिखु तामाकोशी गाउँपालिकाका अध्यक्ष गोबिन्द बहादुर खड्कालाई प्रहरी हिरासतकै आईसोलेशनमा राख्न अदालतले आदेश दिएको छ ।
जिल्ला अदालत रामेछापले २५ दिन प्रहरी हिरासतमा राखेर आरोपको अनुसन्धान पछि मंगलबार थुन छेकको बहस चलिरहेको बेला अध्यक्ष खड्कामा कोरोना संक्रमण पुष्टि भएसंगै थप १५ दिन हिरासतको आइसोलेशनमा राख्न आदेश दिएको हो ।
गाउँ पालिकाका अध्यक्ष खड्का माथि जिल्ला प्रहरी कार्यालय रामेछापमा शरिर बन्धक,बलात्कार र ठगी समेत ३ वटा अभियोग सहितको मुद्धा चलिरहेको छ ।
सोहि अभियोगको आधरामा प्रहरीले २५ दिनको अनुसन्धान सकेर सोमबार सरकारी वकिलकार्यालय मार्फत जिल्ला अदालतमा सोमवार पेश गरेको थियो । थुन छेकको बहसको दोस्रो दिन मंगलबार फैसलाको प्रतिक्षमा बसेका उनका शुभ चिन्तकहरु थप १५ दिन हिरासतको आइसोलेशनमा राख्न जिल्ला अदालतको आदेश सुनेपछि निरास हुँदै घर फर्केका छन् ।
यो बारेमा तपाईको प्रतिकृया