रामेछाप । जिल्ला प्रहरी कार्यालय रामेछापले ट्राफिक प्रहरी कार्यालयको सक्रियतामा सवारी कारवाहि बाट १६ लाख ५४ हजार रुपैयाँ राजस्व संकलन गरेको छ ।
मुलुकभर कोभिड–१९को सक्रमण फैलिएपछि सरकारले गरेको लगडाउन केही खुकुलो भई लामो तथा छोटो दुरीका सवारी साधनहरु आवागमनमा खुल्ला भएसँगै यहि असोज २ गते देखि यता एक महिनाको वीचमा ट्राफिक प्रहरीले सवारी कार्वाहि स्वरुप उक्त राजस्व संकलन गरेको हो ।
जिल्ल्लाका विभिन्न नाकाहरुमा सवारी जाँचको लागि ट्राफिक सहित खटिएको प्रहरीको टोलिले यातायातका साधनहरुको चेक जाँच गर्दा सरकारी मापदण्ड विपरित चलेका विभिन्न १७ हजार सवारी साधनबाट जरिवाना स्वरुप उक्त राजस्व संकलन भएको जिल्ला प्रहरी कार्यालयका प्रमुख बसन्त पाठकले बताउनुभयो ।
सरकारले गरेको लकडाउनको चौतर्फी बिरोध हुन थालेपछि जनस्वस्थ्यका मापदण्डहरु अपनाई सिट संख्याको आधा यात्रीहरुलाइ तोकिएको भाडादरमा ५० प्रतिशत बढि भाडा लिई यातायात सञ्चालन गर्ने अनुमति दिएको थियो । तर उनीरुले उक्त मापदण्ड नअपनाई बढि भाडा लिने र सिट संख्या भन्दा बढि यात्रुहरु राखेर यातायात सञ्चालन गर्ने गरेको पाइएको जिल्ला ट्राफिक प्रमुख रामेश्वर पाण्डेले बताउनुभयो । उहाले प्रहरी प्रमुख को निर्देशनमा आफुहरु छड्के रुपमा बिभिन्न स्थानमा गइ चेक जाँच गर्दा अधिकांस सवारी साधनहरुले नियम बिपरित कार्य गर्ने गरेको पाइएको बताउनुभयो ।
ट्राफिक नियमको परिपालना र त्यसको कार्यान्वयन संगै प्रहरीले दशै तिहार र छठ पर्बको अवसरमा सर्बसाधारणलाई यातयात क्षेत्रमा आईपर्ने समस्या बाट मुक्ति दिलाउनका लागि थप कडाई गर्नुका साथै उनीहरु नठगिउन र अलमलमा नपरुन भनि जिल्लाका बिभिन्न ठाँउमा यात्रु सहायता कक्ष समेत स्थापना गरिएको छ ।
केहि दिन अघि प्रमुख जिल्ला अधिकारी रुद्रादेवी शर्माले उद्घाटन गर्नुभएको उक्त सहायता कक्ष जिल्लाको ट्राफिक कार्यालय, देवकोटाचोक, सेलेघाट चेक प्वाइन्ट र खिम्ती प्रहरी चेक पोष्टमा स्थापना गरिएको छ ।
साहायता कक्षका बाट यातायातका साधनहरुले भाडामा गर्ने सम्भावित ठगी र यात्रीहरुमा पर्ने समस्या ,जेष्ठ नागरिक र अपाङ्गता भएका ब्यक्ति र महिला प्रति गर्ने गरेको ब्यवहारका बारेमा अनुगमनगरी त्यसको नियमानुसार कार्यान्वयनका लागि समेत प्रहरी क्रियाशिल हुने प्रहरी प्रमुख पाठकले बताउनुभयो ।
यो बारेमा तपाईको प्रतिकृया