रामेछाप १४ मंङ्सिर । बागमति प्रदेशका आन्तरिक मामिला तथा कानून मन्त्री शालिकराम जम्मकट्टेलले प्रदेश भरका सुरक्षा निकायहरुलाई कुनै पनि चिजको अभाव हुन नदिने बताउनु भएको छ ।
सो कुरा उहाले दोरम्बा गाँउपालिकाको दोरम्बा बजारमा नब निर्मित प्रहरी चौकीको भवन उद्घाटनका क्रममा बताउनु भएको हो ।
उहाले धेरै प्रहरी चौकीहरु भाडामा बसेको, प्रहरी चौकीहरुको स्थायी संरचना नहुदा सेवा प्रवाहमा कठिनाइ भैरहेको अबस्थालाई मध्यनजर गर्दै यस्ता भवनहरुले नागरिकहरुको शान्ति सुरक्षा मजबुद बनाई अपराधिक कृयाकलाप हुन नदिनका लागि सहज हुने बताउनुभयो ।
मन्त्रीले गाउमा कुनै पनि घट्ना घट्न नदिन प्रहरीको महत्वपूर्ण भूमिका हुने भन्दै प्रहरीलाई चाहिने भौतिक पूर्बाधार लगाएत जनशक्ति एबं प्रशासनिक समाग्रिका लागि प्रदेश सरकार जुनसुकै वेला तयार रहेको बताउनुभयो ।
मन्त्री जम्कट्टेलले समाजमा हुने बेथिति र बिसंगतिलाई पनि प्रहरीले नै हटाउन सक्ने भएकोले त्यसका लागि सम्बन्धीत पालिका र वडा को सहयोगको खाचो हुँने हुँदा सम्बन्धीत निकायहरुलाई सहयोग गर्नपनि आग्रह गर्नुभयो ।
सो अबसरमा प्रमुख जिल्ला अधिकरी रुद्रादेवी शर्मा, प्रहरी प्रमुख बसन्त पाठक र दोरम्बा गाउपालिका वडा नं–२ का वडा अध्यक्ष खड्क बहादुर श्रेष्ठले आ–आफ्नो मन्तब्य राख्दै नब निर्मित यस भवनले सेवा प्रवाहमा सहजता ल्याउने बताउनुभयो ।
प्रदेश सरकारको मूल्य अभिबृद्धि कर सहित २ करोड ३५ लाख ९० हजार ७१ रुपैयाको लागतमा निर्माण कार्य सम्पन्न भएको उक्त चौकिमा ब्यारेक, भान्सा र शौचालयका छुट्टा छुट्टै भवनहरु रहेका छन् ।
यो बारेमा तपाईको प्रतिकृया