सडक दुर्घटनामा चालकको मृत्यु

रामेछाप,१४ मंसिर । मन्थली नगरपालिका वडा नं -६ को मसानटारमा मंगलबार दिउँसो भएको सडक दुर्घटनामा चालकको ज्यान गएको छ । नारायणघाटबाट मन्थली तर्फ आउँदै गरेको प्रदेश नं २ ०३००६ ख ४७३२ नं को मिनि ट्रक मन्थली नगरपालिका वडा नं-६ को मसानटारको भिरबाट खसेको थियो । दुर्घटनामा परि अर्घाखाँचि सितलगंगा न.पा हाल भरतपुर महानगरपालिका -८ बस्ने चालक सूर्य बहादुर भाटको उपचारका क्रममा शुभजिवन अस्पताल खुर्कोटमा मृत्यु भएको हो । ब्यापारी प्रयोजनका लागि मदिराजन्य बस्तु लिएर आउँदै गरेको ट्रक ब्रेक फेल भएर मसानटार नजिकैको भिरबाट करिब ३ सय सय मीटर तल खसेको र सहचालक घाइते भएको प्रहरीले बताएको छ ।