मन्थली- पुनःनिर्माणमा चार बर्षको अबसर पारेर राष्ट्रिय पुनः निर्माण प्राधिकरण जिल्ला सहजीकरण समिति रामेछापले जिल्लामा प्राप्त १८ अर्ब बरावरको आम्दानी र खर्चको विवरण सार्वजनिक गरेको छ । शनिवार आयोजना गरिएको पुनःनिर्माणमा चार बर्ष बिषयक अन्तरक्रिया कार्यक्रमका अबसरमा जिल्ला आयोजना कार्यान्वयन इकाईका प्रमुख बिर बहादुर रावलले उक्त रकम बरावरको आय ब्यय विवरण सार्बजनिक गर्नुभएको थियो ।
उहाँका अनुसार नीजि आवास पुनःनिर्माण तर्फ प्राप्त कुल १४ अर्ब ६८ करोड १७ लाख मध्ये १२ अर्ब ८८ करोड ८९ लाख खर्च भएको , प्रबलीकरण तर्फ बिनियोजित रकम रु ७४ करोड ६२ लाख मध्ये २ करोड ५८ लाख ५० हजार रुपैया खर्च भएको थियो । सडक निर्माण तथा मुआब्जा तर्फ बिनियोजित ५१ करोड ५८ लाख मध्ये ५१ करोड ४१ लाख ४५ हजार रुपैया खर्च भएको छ ।
त्यसैगरी गुम्बा र खानेपानी पुनःनिर्माणका लागि बिनियोजित रकम ३८ लाख २३ हजार ७ सय पाँच मध्ये ३३ लाख ३७ हजार ८ सय चौवीस रुपैया खर्च भएको छ । सरकारी भवन र स्वास्थ्य चौकी पुनः निर्माणका लागि प्राप्त ४५ करोड ५५ लाख ३८ हजार मध्ये ४ करोड ६० लाख ६१ हजार २ सय एक्काइस रुपैया खर्च भएको , एकिकृत बस्ती बिकास, क्षमता अभिबृद्धि तथा सीपमुलक तालिम अन्तर्गत बिनियोजित रकम ६८ लाख मध्ये ८२ लाख खर्च भएको र बिद्यालय भवन एबं शौचालय पुन निर्माण तथा मर्मतका लागि बिनियोजित रकम १ अर्ब ८० करोड ७१ लाख ८७ हजार मध्ये ९३ करोड ८२ लाख ३९ हजार ७ सय छैसठ्ठी रुपैया खर्च भएको छ ।
जिल्ला समन्वय समिति रामेछापका प्रमुख प्रेम बहादुर खड्काको प्रमुख आतिथ्यतामा सम्पन्न उक्त कार्यक्रममा नेकपाका जिल्ला नेता ध्रुब कार्की, नेपाली काग्रेसका पार्टी सचिब लेख बहादुर कार्की, नेपाल पत्रकार महासंघ रामेछापका अध्यक्ष रमेश ढुंगेल, पत्रकारहरु नवराज श्रेष्ठ, रामचन्द्र बि.क र युवराज श्रेष्ठ लगाएतले जति सुकै पैसा खर्च भएर कागजी रुपमा उपलब्धी देखिएको भएपनि वास्तविक भूकम्प पीडितहरु अझै लाभग्राहिमा नपर्नु, पटक–पटक गुनासो भर्दा पनि सम्बोधन नहुनुले प्राधिकरणको ठुलो त्रुटी कायमै रहेको बताए ।
सो अबसरमा हाल सम्म जिल्लाका १० वटा वडाहरुमा पुनःनिर्माणको ९० प्रतिशत भन्दा बढि काम सकिएकोले ति वडाहरुलाइ पुनःनिर्माण सम्पन्न वडाहरु घोषणा गर्न मिल्ने बताइएको थियो । जस मध्ये खाँडादेवी गाउँपालिकाको वडा नं ४ वडा नं ६, वडा नं ९ , लिखु तामाकोशी गाउँपालिकाको वडा नं १, २, ३, ४ र मन्थली नगरपालिकाको वडा नं ३ र रामेछाप नगरपालिकाको वडा नं १ रहेका छन् ।
यो बारेमा तपाईको प्रतिकृया