राष्ट्रिय पुस्तक दिवसमा शैक्षिक सामाग्री वितरण

काठमाण्डौं, माघ १२ गते ।, माघ १२ गते । वसन्त पञ्चमी एबं राष्ट्रिय पुस्तक दिवसको अवसर पारेर आज नेपाल पुस्तक तथा स्टेशनरी ब्यवसायी महासंघले देश भरका विभिन्न जिल्लामा शैक्षिक सामाग्री बितरण गरेको छ ।
पुस्तक दिवस जिल्ला–जिल्लामा शैक्षिक सामाग्री बितरण गरेर मनाउने केन्द्रीय कार्यक्रम अनुसार ७ वटै प्रदेशका बिभिन्न जिल्लाहरुमा कार्यक्रम गरिएको हो ।

बिभिन्न जिल्ला बाट प्राप्त समाचार अनुसार–कुनै जिल्लामा विद्यालयका वालवालिकाहरुलाई शैक्षिक सामाग्री वितरणगरेर , कुनै जिल्लामा विद्यालयहरुलाई शैक्षिक तथा खेलकुदका सामानहरु बितरण गरेर भने कुनै जिल्लामा कारागारमा रहेका कैदी बन्दि र प्रहरी हिरासतमा रहेका बन्दिहरुलाई शैक्षिक सामाग्री बितरण गरेर पुस्तक दिवस मनाइएको छ ।

नेपाल पुस्तक तथा स्टेशनरी ब्यवसायी महासंघले पुस्तक तथा स्टेशनरी समानहरुको ब्यापार गर्ने मात्र नभएर सामाजिक कृयाकलापमा पनि उत्तिकै सकृय रहेको बिश्वास दिलाउन यस्ता खालका सामाजिक कामहरु बिगत वर्षहरु देखिनै गर्ने गरेको महासंघका महासचिब शिव शागर शर्माले बताउनुभयो ।

महासंघले यस अघि उप –महासचिब यमलाल लोहनी को संयोजकत्वमा ७ वटै प्रदेशमा शैक्षिक सामाग्री बितरण गरी राष्ट्रिय पुस्तक दिवस मनाउन आबश्यक कार्यका लागि मूल समिति गठन गरेको थियो ।