भंगेरीमा बक्तृत्वकला

रामेछाप,१९ जेठ । रामेछाप–काठमाण्डौं सृजनशील समाजको आयोजनामा रामेछापको पुरानो सदरमुकाम रामेछाप मा रहेका श्री मावि भंगेरीमा उद्यमशीलता विकासमा शिक्षाको महत्व बिषयक बक्तृत्वकला प्रतियोगिता सम्पन्न भएको छ ।

संस्थाका आजिवन सदस्य एबं कार्यक्रम संयोजक डा. भरतकुमार श्रेष्ठको अध्यक्षतामा सम्पन्न उक्त कार्यक्रमको उद्घाटन रामेछाप नगर प्रमुख लवश्री न्यौपानेले गर्नु भएको थियो ।

सो अवसरमा शिक्षाविद एवं कार्यक्रमका विशेष अतिथि गुञ्जबहादुर श्रेष्ठ, मा वि भंगेरीका विद्यालय ब्यवस्थापन समितिका अध्यक्ष गौतम कुमार श्रेष्ठ प्रधानाध्यापक सुभाष चन्द्र श्रेष्ठ,ढालविक्रम कार्की लगायतले आ आफ्नो मन्तब्य राख्नुभएको थियो ।

सो अबसरमा बोल्दै नगर प्रमुख न्यौपानेले शिक्षालाई उत्पाद, उद्यम र सीप सँग जोड्नु पर्ने वताउनुभयो । उहाले पुरानो पठ्यक्रममा पूर्वब्यवसायिक शिक्षा पुस्तक मार्फत विभिन्न घरेलु सीपहरु सिकाइने गरेका भएपनि अहिलेको पठ्यक्रममा त्यस्ता कुराहरु नभएकोले वालवालिकाहरुले ब्यवहारीक सीप र ज्ञान मा कमी भैरहको बताउनुभो । साथै उहाले नैतिक शिक्षा लाई पनि पठन पाठनमा राख्नु पर्ने बताउनुभयो ।

सोहि विद्यालयका १० जना छात्र छात्राहरुको सहभागिता रहेको वतृत्वकला प्रतियोगितामा कक्षा १० की आरती नेवा खड्गीले प्रथम, कक्षा ९ की मेलिना श्रेष्ठ ले द्वितिय र कक्षा १० कै सन्ध्या स्वर्णकारले तृतीय पुरस्कार प्राप्त गर्नु भएको थियो ।
सो अबसरमा प्रथम हुने लाई ३०००।–, द्वितीय हुनेलाई लाई २०००।–,तृतीय हुने लाई १०००।– नगद सहित प्रमाण पत्र वितरण गरिएको थियो ।
कार्यक्रममा उपस्थित अधिकांस विद्यार्थीहरुलार्ई सृजनशील सन्देश पुस्तक वितरण गरिएको थियो । त्यसैगरी सो अवसरमा भविन्द्रराज मगर, कोपिला मगर, अस्मिता कटुवाल र सर्मिला घिसिङ सहित ४ जना स्थानीय उद्यमी ब्यवसायिहरु लाई पनि सम्मान गरिएको थियो ।