मन्थली,८ भदौ । रामेछापको मन्थलीमा सञ्चालन भएको आन्तरिक शान्ति एबं पारिवारीक खुसीका लागि राजयोग मेडिटेशन सम्बन्धि कार्यक्रम शनिवार विहान वाट समापन भएको छ ।
यहि बुधवार देखि तीन दिनका लागि सुरु भएको उक्त कार्यक्रम सहभागिको माग अनुसार शनिवार विहान सम्म सञ्चालन गरिएको आयोजकले जनाएको छ ।
ब्रम्हाकुमारी राजयोग सेवा केन्द्र मन्थलीले सुरु गरेको यो अभियान मा आन्तरिक शान्ति र पारिवारिक शुख र धर्म सम्बन्धि दर्शन का वारेमा ब्रम्हकुमार राजु घलेले प्रशिक्षण दिनु भएको थियो । चार दिन सम्म चलेको उक्त कार्यक्रममा सयौको संख्यामा उपस्थिति रहेको थियो ।
विहान दिउसो र साझ गरी ३ चरणमा सञ्चालन भएको उक्त कार्यक्रमले आफुमा धेरै सकरात्मक शोचकको विकास हुँदै गएको र पारिवारीक खुसी र शान्ति का लागि पनि आफुलाई ठुलो मार्गदर्शन भएको मन्थली नगरपालिका १ सानीमदौ की सहभागी पार्वती कडेरियाले बताउनुभयो ।
बर्तमान समयमा देशमा राजनैतिक अस्थीरताका कारण एक अर्काले दोषारोपाण गर्ने अबस्था भैरहेको, घर परिवारमा कलह, अशान्ति बढ्दै जाने गरेको जसका कारणले मानिसहरु निराश हुने, मानसिक रोगि हुने अबस्था भैरहेकोले यी र यस्ता गतिविधिहरुलाई न्यूनिकरण गर्न यस खालका कार्यक्रमहरु सञ्चालन गर्न आबश्यक रहेको प्रशिक्षक घलेले बताउनुभयो ।
भौतिक रुपमा सबैकुरा हुँदा हुदैपनि घर परिवारमा सुमधुर सम्बध नहुने,पारिवारीक रुपमा झै झगडा भैरहने र खुसी र सन्तुष्ट नहुँदा रोगीको संख्या बढ्दै जाने जस्ता समस्याहरु देखिन थालेपछि ति अबस्थालाई विभिन्न ज्ञान र चेतना मार्फत न्यूनिकरण गर्ने उद्धेश्यले ब्रम्हाकुमारी राजयोग सेवा केन्द्र मन्थलीले यो कार्यक्रम अभियानका रुपमा सञ्चालन गरेको ब्रम्हकुमार डा. भरत श्रेष्ठले बताउनुभयो । उक्त अभियान अन्तर्गत शनिवारदेखि ३ दिन सम्म लिखु तामाकोशी गाँउपालिकाकाे धोवि, त्यस पछि रामेछाप वजार, सिन्धुलीको खुर्कोट र ग्वालटारमा समेत यस खालको कार्यक्रम आयोजना गरिएको छ ।
मन्थलीमा सम्पन्न याे कार्यक्रममा सर्वसाधारण नागरिक, प्रहरी, कर्मचारी,ब्यवसायी, शिक्षक विद्यार्थी जन निर्वाचित प्रतिनिधी लगाएत सहभागि थिए ।
कितावी ज्ञानले मात्र आफुहरु जस्ता विद्यार्थीहरुलाई नपुग्ने र ब्यवहारीक ज्ञान पनि चाहिने हुनाले यो कार्यक्रम आफु जस्ता विद्यार्थीहरुका लागि अत्यावश्यक रहेको भन्दै यस्ता कार्यक्रम बेला बेलामा भइरहदा आफु जस्ता धेरै विद्यार्थीहरुलाई ब्यवहारीक ज्ञानका लागि उपलब्धिपूर्ण भएको कार्यक्रममा सहभागि मन्थली माविकी छात्रा सलिना भुजेलले बताउनुभयो ।
यस्ता कार्यक्रमहरु स्थानीय तहहरुलेनै अभियानका रुपमा गाँउ गाँउमा सञ्चालन गर्ने हो भने धेरै मानिसहरु मानसिक रोगी हुनु नपर्ने, घर परिवारमा कलह, झै झगडा नहुने र समाजमा रहेको रुढिवादी र अन्धविश्वास लाई पनि कम गराएर लैजान सकिने मन्थली मावि का पूर्व प्रधानाध्यापक गुञ्ज बहादुर श्रेष्ठ बताउनुहुन्छ ।
यो बारेमा तपाईको प्रतिकृया