मन्थली,३ मङ्सिर । नेपाल पुस्तक तथा स्टेसनरी ब्यवसायी महासंघ केन्द्रीय समतिले आयोजना गरेको महासंघ जागरण अभियान –२०८१ को टोली सोमवकार रामेछापको मन्थली आइपुगेको छ ।
यही मंसिर १ गतेदेखि सात वटै प्रदेशमा एक साथ सुरु भएको उक्त अभियान मंसिर ८ गते सम्म चल्ने बताइएको छ ।
नेपाल पुस्तक ब्यवसायी महासंघ रामेछापका अध्यक्ष सुजन घिमिरेको अध्ययातामा सोमबार मन्थलीमा सम्पन्न सो कार्यक्रमको उद्घाटन नेपाल पुस्तक तथा स्टेसनरी ब्यवसायी महासंघका केन्द्रीय महासचिब एबं कार्यक्रमका प्रमुख अतिथि बिष्णु पौडेलले गर्नु भएको थियो ।
सो अवसरमा बोल्दै महासंघ बागमती प्रदेशका अध्यक्ष एबं कार्यक्रमका बिशिष्ट अतिथि बिश्वराम त्वयनाले ब्यवायीहरुको हक,हित सुनिश्चित गर्न, ब्यवसायीहरु विचको एकता कायम गर्न र ब्यवसायीहरुलाई परेको समस्या समाधानको पहल गर्न यो अभियान थालेको बताउनुभयो ।
कार्यक्रमका अवसरमा देशभर भएको आर्थिक मन्दिका कारण पुस्तक तथा स्टेसनरी ब्यवसायी महासंघका सदस्यहरुलाई परेको असर,ब्यवसायीहरुको समस्या पहिचाहन गरी निराकरणका उपायहरु खोजी गर्न, संगठनलाई कृयासिल र चलायमान बनाउन महासंघले यो अभियान थालेको अभियान बागमती प्रदेशका संयोजक एबं केन्द्रीय महासचिब पौडेलले बताउनुभयो । उहाँले महासंघका जिल्ला प्रदेश र केन्द्रीय संरचनालाई बलियो बनाउन, यस अघि महासंघले सुरु गरेका विभिन्न कामहरुलाई पूर्णता दिन, सामजिक उत्तरदायित्व समेत निर्वाह गर्नुपर्ने कुरा जिल्ला र प्रदेशका संगठनहरुका सदस्यहरुलाई जानकारी गराउन र दुःख र सुख मा महासंघ छ भन्ने कुराको अनुभुति दिलाउन यो अभियान थालेको पनि उहाँले बताउनुभयो ।
कार्यक्रमका अबसरमा रामेछापका पुस्तक तथा स्टेशनरी ब्यवसायीहरुले ब्यवसाय सञ्चालनका क्रममा आफुहरुले भोग्नु परेको पीडा र समाधानका उपाय हरुका बारेमा सुझाब दिएका थिए ।
सो अवसरमा महासचिब पौडेलले जिल्लाका ब्यवसायीहरुको समस्या आफ्नो पनि समस्या भएको भन्दै ति समस्याहरुलाई समाधान गर्न केन्द्रीय समिति लागि पर्ने प्रतिद्धता ब्यक्त गर्नु भयो ।
अभियान सञ्चालनका लागि महासंघ केन्द्रले कोशी प्रदेशमा महासंघका तृतिय उपाध्यक्ष सरोज मास्के, मधेश प्रदेशमा उप–महासचिब अर्जुन आचार्य,बागमती प्रदेशमा महासचिब विष्णु पौडेल,गण्डकी प्रदेशमा प्रथम उपाध्यक्ष नारायण श्रेष्ठ,लुम्बिनी प्रदेशमा बरिष्ठ उपाध्यक्ष मातृका शिवाकोटी,कर्णली प्रदेशमा द्वितिय उपाध्यक्ष बुद्धिप्रसाद अधिकारी लाई संयोजकको जिम्मेवारी दिइएको छ भने सम्बन्धित प्रदेशका अध्यक्षहरुलाई सह–संयोजकको जिम्मेवारी दिइएको र सुदुर पश्चिम प्रदेशमा भने प्रदेश अध्यक्ष श्याम पाठक लाई संयोजकको जिम्मेवारी दिइएको नेपाल पुस्तक तथा स्टेसनरी ब्यवासयी महासंघ केन्द्रीय समितिका अध्यक्ष शिव सागर शर्माले जानकारी दिनुभयो ।
अभियान यही मंसिर ८ गते सम्म सञ्चालन गरी त्यसपछि महासंघका अन्य गतिविधिहरु सञ्चालन गर्ने जनाइएको छ ।
यो बारेमा तपाईको प्रतिकृया