रामेछाप, ११ भदौ – रामेछाप जिल्लाको मन्थली नगरपालिका–वडा नं १ का तेजप्रसाद (श्याम) सुवेदीले ८३ जनालाई छात्रालाई शुक्रवार ब्यक्तिगत रुपमा छात्राबृत्ति प्रदान गर्नुभएको छ ।
जिल्लाका ठूला ब्यवसायि एबं समाजसेवी का रुपमा चिनिनु भएका सुबेदीले ७ वर्षदेखि विपन्न छात्राहरुलाई छात्राबृत्ति प्रदान गर्दै आउनु भएको छ ।
गतवर्ष वर्ष ५७ जनालाई छात्राबृत्ति प्रदान गर्नुभएको सुवेदीले यसवर्ष ८३ जना छात्राहरुलाई आफ्नो स परिवारको नामबाट करिव ७ लाख बराबरको छात्राबृत्ति प्रदान गर्नुभएको हो ।
सुवेदीले पूर्ण छात्राबृत्ति बापद स्नातक तहमा अध्ययनरत मन्थली क्याम्पस र खिम्ती क्याम्पसका छात्रालाई १८ हजार नगद सहित स्कूल ब्याग, ट्रयाकसुट र कापी कलम प्रदान गनुभएको छ भने पूर्ण छात्राबृत्ति बापद नै मन्थली, सुनारपानी, सालु, खिम्ती लगाएतका बिद्यालयका कक्षा १० मा मध्यनरत छात्रालाई १० हजार रुपैयाँ नगदसहित स्कूल ब्याग र कापीकलम प्रदान गनभएको हो ।
जिल्लाका शिक्षाबिद् गुञ्जबहादुर श्रेष्ठको प्रमुख आतिथ्यताम सम्पन्न उक्त कार्यक्रमममा आंशिक छात्राबृत्तितर्फ स्कुल पोषाक, ब्याग र वर्षभरीलाई पुग्नेगरी कापीकलम प्रदान गरिएको थियो ।
त्यसैगरी समता विद्यालयमा अध्ययरत बालिकाहरुलाई भने विद्यालय खर्च भनेर जनही ३ हजार ३ सय रुपैयाँ दिएको छ । छात्राबृत्ति पाउनेमा तामाकोशी जनजागृति क्याम्पस खिम्तीका १२ जना, मन्थली माध्यमिक विद्यालयका ३० जना, मन्थली क्याम्पसका ६ जना, भैरवी माध्यमिक विद्यालय सुनारपानी १० जना, सेतीदेवि माध्यमिक विद्यालय सालु १० जना र समता स्कुलका १५ छात्राहरु रहेका छन् ।
आफ्नो जन्मदिनको अबसर पारेर ८३ जना छात्रालाई प्रदान गरिएको छात्राबृत्ति, गाडी भाडा र खाजा गरी करिव ६ लाख ८० हजार रुपैयाँ खर्च लागेको सुवेदीले बताउनुभयो ।
गाँउमा अझैपनि छोरीलाई पढाउन अभिभावकहरु अनाकानी गर्ने गरेको पाइएकोले उनीहरुलाई पढाउन परिवारलाई प्रोत्साहन गर्ने उद्देश्यले आफ्नो परिवारको कमाइको एकतिहाई विपन्न छात्रालाई छात्राबृत्तिमा खर्च गर्दै आएको पनि सुवेदीलेले बताउनु भयो । जबसम्म महिलाको उन्नती हुँदैन तबसम्म समाज अगाडि जाँदैन, महिलाको उन्नति हुन शिक्षा अपरिहार्य छ,बिद्यालयका वालिकाहरुलाई बिचैमा कक्षा छोडाएरु बिवाह गरिदिने वा अन्य घराएसी काममा लगाईँने भएकाले पनि उनीहरुलाई पठन पाठनका लागि सहज होस भन्नका लागि आफुले छात्रबृत्तिका लागि छात्राहरुनै रोजेको उहाको भनाई छ ।
सुबेदीकै अध्यक्षतामा सम्पन्न उक्त कार्यक्रममा प्रमुख अतिथि श्रेष्ठ, बिषेश अतिथि एबं मन्थली नगरपालिकाका उप–प्रमुख इश्वरी बस्नेत,मन्थली माविका सहायक प्र अ पेशल आचार्य, नेपाल पत्रकार महासंघ रामेछापका बद्री नयाँघरे, रामेछाप प्राविधिक शिक्षालयका प्रमुख हरी प्रसाद पौडेल लगाँएतले उक्त कार्यको मुक्त कण्ठले प्रशंसा गरेका थिए ।
यो बारेमा तपाईको प्रतिकृया