मन्थली , ६ असार । प्रधानमन्त्री कृषि आधुनिकिकरण परियोजना रामेछापले बुधवार ५० प्रतिशत अनुदानमा सय प्रतिशत वोयर जातका बोका तथा पाठीहरु बितरण गरेको छ ।,
परियोजनाको पशु नश्ल सुधार तथा उत्पादन बृद्धि कार्यक्रम अन्तर्गत ति वोका पाठी बितरण गरिएको कार्यक्रमका अवसरमा सो कार्यालयका प्रमुख थिरलाल गैरे ले बताउनुभयो ।
जिल्ला समन्वय समितिका उप प्रमुख प्रेम सागर थापाको अध्यक्षतामा जिल्लाका विभिन्न पशुपालन फार्म हरुलाई ति वोका पठी बितरण गरिएको थियो ।
यसरी वोका पाठी प्राप्त गर्ने फार्महरुमा मन्थली नपा १० का एन वि कृषि तथा पशुपालन फार्म, मिलिजुली पशुपन्छि तथा कृषि फार्म र मन्थली न पा १ का विराज वि फार्मिङ र मन्थली न पा १ कै रामेछाप वहु प्राविधिक शिक्षालयल ले पनि उक्त वोका पाठी प्राप्त गरेको छ । त्यसैगरी खाँडादेवी गाँउपालिका को नमुना कृषि फर्म ले पनि प्राप्त गरेको छ भने यस अघि खाडाँदेवी गाँउपालिकाको देवी महाकाली पशुुंपञ्छी तथा कृषि समुहले सोहि अनुसारको पाठी प्राप्त गरेको थियो ।
वितरण कार्यक्रममा वाख्रा ब्यवसायी नवराज खड्का ,पत्रकार महासंघ वागमती प्रदेशका कोषाध्यक्ष रमेश ढुंगेल र मन्थली न पा कि उपप्रमुख इश्वरी बस्नेतले आ आफ्नो मन्तब्य राख्नुभएको थियो ।
यो बारेमा तपाईको प्रतिकृया