रामेछाप ,१२ साउन । जिल्ला प्रहरी कार्यालय रामेछापले गत आर्थिक वर्ष २०७९÷८० मा २ करोड १ लाख ८० हजार १७५ रुपैयाँ जरिवाना असुल उपर गरेको छ ।
प्रहरीका अनुसार गत वर्ष विभिन्न अपराध कसुरमा अदालतबाट फैसला भई कैद सजाय तोकिएका ४३ जना फरार प्रतिवादीलाई पक्राउ गरी अदालतलाई बुझाएको र यसबाट २९ वर्ष १० महिना कैद सजाय समेत दिलाइएको छ ।
शुक्रवार जिल्ला प्रहरी कार्यालय रामेछापमा पत्रकार भेटघाट कार्यक्रमको आयोजना गरी प्रहरी नायव उपरीक्षक होम बहादुर पराजुलीले सो कुरा सार्वजनिक गर्नुभएको हो ।
उहाले गत आर्थिक वर्षमा १ सय ८८ वटा घटना दर्ता भएको जानकारी पनि गराउनु भयो । जसमध्ये ५१ वटा घटना आत्महत्याका रहेका छन् भने भवितव्य ज्यानका ३७, अभद्र व्यवहार कसुरका २६, फुटकर ज्यान १५, जबरजस्ती करणीका १२, सवारी ज्यान ५, लिखित सम्बन्धी कसुर ५ ज्यान मार्ने उद्योगका ४, कर्तव्य ज्यानका –४ र जबरजस्ती करणी उद्योगका ३ वटा घटना भएको कुरा पनि जानकारी गराउनुभयो ।
आत्महत्या मध्ये जसमध्ये एक आर्थिक वर्षको वीचमा जिल्लामा ४३ जनाले झुन्डिएर र ८ जनाले विष सेवन गरेर आत्महत्या गरका थिए ।
उहाँका अनुसार –यो भन्दा अघिल्लो आर्थिक वर्ष २०७८÷०७९ मा भवितव्य ज्यानका ३६, अभद्र व्यवहार कसुरका २९, फुटकर ज्यानका ११, जबरजस्ती करणीका १७, सवारी ज्यानका ४, लिखित सम्बन्धी कसुरका २, ज्यान मार्ने उद्योगका ७, कर्तव्य ज्यान १ र जबरजस्ती करणी उद्योगका ५ वटा घटना दर्ता भएका थिए ।
पराजुलीले अन्य घटनाका तुलनामा जिल्लामा सबै भन्दा बढी अत्महत्याका घटनाहरु भएकोले यस खालका घटनालाई न्युनिकरण गर्नका लागि प्रहरीले स्थानीय सरकार र अन्य सरोकारवालाहरुको सहभागितामा सकरात्मक सन्देश प्रवाह गर्ने खालका बिभिन्न सचेतामुलक कार्यहरु गर्ने तयारी गरिरहेको बताउनुभयो ।
विभिन्न अपराधमा संलग्न भएको आरोपमा यो वर्ष १३८ जनालाई अनुसन्धानका लागि नियन्त्रणमा लिएको र अझै १७ जना आरोपी फरार रहेकाले खोजी कार्य जारी रहेको पनि प्रनाउ पराजुलीले बताउनुभयो ।। अघिल्लो आर्थिक वर्ष २०७८÷०७९ मा यस्ता ३० जना अभियुक्तहरू परेका थिए । नागरिक स्तरमा चेतना बढेका कारण गत आर्थिक वर्षमा जातीय छुवाछुत, बोक्सीको आरोप जस्ता सामाजिक अपराधका घटनाहरू दर्ता हुने क्रम पनि घटेको सो अवसरमा जानकारी गराईएको थियो ।
यो बारेमा तपाईको प्रतिकृया