७ भदौ, २०७६
चिसापानी- जनै पुर्णिमाको दिन देखि सुरु भएको नेवारी समुदायको इतिहास बोकेको मुख्य पर्व हिले जात्रा कृष्ण जन्माष्टमीको भोलिपल्ट कृष्णले राक्षसलाई मारेपछि सम्पन्न भएको छ । गत साउन ३१ गते देखि ‘परम्परागत रितिरिवाज, कला र सस्कृति, संरक्षण सम्बद्र्धन र उन्नती’ भन्ने मुल नाराका साथ तासा नाचबाट सुरु भएको जात्रा ९ दिन सम्म चलेको थियो ।
यस अघि नेवारी समुदायको इतिहास बोकेको परम्परालाई चिसापानीका नेवार समुदायले अहिले सम्म कायम राखिरहेको र यस्ता संस्कृतिलाई प्रचार प्रसार तथा संरक्षण गराउने उद्धेश्यले सदरमुकाम मन्थलीमा विभिन्न नाच समेत देखाईएको थियो ।
रामेछापको चिसापानी, ठोसे र भंगेरीमा रहेका नेवार समुदायहरुले यस्ता कार्यक्रमहरु वार्षिक रुपमा गर्दै आएका छन् । मन्थली नगरपालिका वडा नं ८ चिसापानी र चिसापनी नेवा खलको अयोजनामा गत साउन ३१ गते देखि सुरु भएको कार्यक्रम शनिबार चिसापानीमा सम्पन्न भएको हो ।
यो बारेमा तपाईको प्रतिकृया