१५ भदौ, २०७६
रामेछाप- भृङ्गेश्वर सेवा समाजद्धारा आयोजित तीज विशेष कार्यक्रममा विभिन्न क्षेत्रबाट समाज सेवामा लागेका व्यक्तिहरु सम्मानित भएका छन् । शनिबार सदरमुकाम मन्थलीमा आयोजना गरिएको ‘बृहत तीज बिशेष कार्यक्रम– २०७६’ को अवसरमा विभिन्न क्षेत्रबाट समाज सेवामा योगदान पु¥याउने व्यक्तित्वहरु सम्मानित भएका हुन् । कार्यक्रममा जिल्लाका ८ स्थानीय तहका उपप्रमुखहरुलाई सम्मान गरिएको छ । त्यस्तै पत्रकार टीकाप्रसाद भट्ट र सामाजिक अभियान्त अप्सरा कार्की अभिनन्दन सहित सम्मानित भएक छन् । त्यसैगरी पत्रकार युनिक विफा घिसिङ, ज्ञानु श्रेष्ठ र रामचन्द्र विक पनि सम्मानित भएका छन् । संस्थाले कलाकारिताको क्षेत्रबाट कला र संस्कृतिलाई संरक्षण गर्न ठूलो योगदान पु¥याएको भन्दै कलाकारहरुलाई समेत सम्मान गरेको छ ।
लिखुतामाकोशी गाउँपालिकाको बिजुलीकोटमा स्थापना भएको भृङ्गेश्वर सेवा समाजले यस अघि पनि विभिन्न व्यक्तिहरुलाई सम्मान गरिसकेको छ ।
कार्यक्रममा बोल्दै नेकपाका केन्द्रिय सदस्य देवशंकर पौडेलले महिलाहरुले मनाउने गरेको तीजको छुट्टै पहिचान भएकाले यसलाई जोगाउनको लागि सबै लाग्नु पर्ने बताउनुभयो । पूर्व संविधानसभा सदस्य लक्ष्मी गुरुङले महिला विशेष चाडपर्व मनाउँदा महिलाहरुले भोग्दै आएका समस्यहरुलाई बहसको रुपमा उठाउनु पर्नेमा जोड दिनुभयो । मन्थली नगरपालिकाका नगर प्रमुख रमेश कुमार बस्नेतले आफ्नै पहिचान बोकेका नेपाली चाडपर्वहरु पश्चिमा सभ्यताका कारण लोप हुँदै गएकोले त्यसलाई जोगाउन सबै लाग्नु पर्ने बताउनुभयो ।
रामेछाप नगरपालिकाकी उपप्रमुख सिर्जना खड्काले पछिल्ला केही वर्ष देखि नेपालको पहिचान बोकेका चाडपर्वहरु भड्किला हुँदै गएकाले त्यसलाई नियन्त्रण गरी हाम्रो मौलिकता अनुसार चाडपर्व मनाउनु पर्नेमा जोड दिनुभयो । त्यसैगरी नेपाली काग्रेसकाे तर्फबाट आफ्नो भनाइ राख्दै कांग्रेस नेता नारायाण बोगटीले तीज पर्वलाइ तडक भडक नगरी हाम्रो परम्परालाइ परिमार्जन गर्दै यस्ता प्रकारका कार्यक्रम राख्दै जानु पर्नेमा जोड दिनुभयाे । कार्यक्रममा बोल्दै नेपाल पत्रकार महासंघ रामेछापका अध्यक्ष रमेश ढुङ्गेलले भड्किलो तरिकाले तीज मनाउदा धेरै घटनाहरु घटी रहेकाले त्यस्ता घटना नघटाउने गरी तीज पर्वलाई मनाउनु पर्ने बताउनुभयो ।
संस्थाका अध्यक्ष शिवसागर मगरको अध्यक्षता, नेकपा केन्द्रिय सदस्य एवं पूर्व सासंद देवशंकर पौडेलको प्रमुख आतिथ्यता तथा समाजसेवी केशर बहादुर पौडेलको विशिष्ट आतिथ्यतमा कार्यक्रम सम्पन्न भएको थियो ।
भृङ्गेश्वर सेवा समाजको आयोजना तथा रामेछाप साँस्कृतिक कलाकार समाजको सह–आयोजनामा भएको कार्यक्रममा राष्ट्रिय स्तरका कलाकारहरुले प्रस्तुती समेत देखाएका थिए ।
यो बारेमा तपाईको प्रतिकृया