मन्थली,१४ माघ । मन्थली शहिद स्मृति वहुमुखी क्याम्पसको आइतवार हुन लागेको क्याम्पस सञ्चालक समितिको निर्वाचनमा नवराज घिमिरे र उज्वल सुवेदीको समुह विच प्रतिस्पर्धा हुन लागेको छ ।
शनिवार साझ प्रकाशन गरिएको उमेद्वारहरुको अन्तिम नामावली अनुसार गठबन्धनको तर्फवाट अध्यक्ष पदका उमेद्वार बनेका नवराज घिमिरेको समुहमा रामचन्द्र अधिकारी, नविन केशी, युवराज सुवेदी, दिपक राज प्रसाई र सावित्रा घिमिरे काफ्ले रहेका छन् भने नेकपा एमालेको तर्फबाट अध्यक्ष पदका उमेद्वार बनेका उज्वल सुवेदीको नेतृत्वका सदस्यहरुमा रमेश कुमार उदाश, शान्ता सुवेदी न्यौपाने, सुरेन्द्र बहादुर कार्की, हरिवंस कडरिया र गंगादेवी कार्की रहेका छन् । एक सय वाइस जना मतदाताहरु रहेको उक्त निर्वाचनमा गठबन्धन बलियो देखिएको छ । तर एमालेको तर्फबाट बनेका उमेद्वार हरुपनि आफ्नो जित हुने दावी गरिरहेका छन् । अध्यक्ष, १ महिला सहित ६ जना निर्बाचित ४ जना मनोनित र ९ जना पदेन सदस्य सहित १९ जनाको सञ्चालक समिति रहने ब्यवस्था बिधानले गरेको छ ।निर्वाचन तालिका अनुसार आइतवार विहान १० बजे बाट साँझ ५ बजे सम्म मतदान हुने जनाइएको छ ।
यो बारेमा तपाईको प्रतिकृया