वनभोज खान गएका श्रेष्ठको खाना सर्किएर मृत्यू

मन्थली, ५ फागुन । रामेछापको रामेछाप नगरपालिकाका कर्मचारीहरुको वनभोज कार्यक्रम अन्तर्गत खाना खाने क्रममा खाना सर्केर नगर प्रमुखका स्वकिय सचिब ४८ बर्षिय लक्ष्मण श्रेष्ठको मृत्यू भएको छ ।
रामेछाप नगरपालिकाका कर्मचारीहरुले सोहि पालिकाको वडा नं ७ सुकाजोर मा रहेको तारा खस्यो पोखरीमा शनिवार वनभोज कार्यक्रमको आयोजना गरेका थिए ।
सोहि कार्यक्रममा सहभागि भएर खाना खाने क्रममा खाना सर्केपछि श्रेष्ठलाई लामो समय सम्म खोकी लागेको थियो ।
खोकीका कारण श्रेष्ठ सिथिल हुँदै गएपछि सँगै गएका साथीहरुले उहालाई जिल्ला अस्पताल रामेछाप पुर्याएका थिए ।
अस्पताल ल्याएको केहि वेरमै डाक्टरले उहालाई मृत घोषणा गरेको थियो । जिल्ला अस्पताल रामेछापका डा केशव श्रेष्ठले उहाको खाना सर्केर स्वास नलिमा पुग्दा स्वासप्रस्वसमा समस्या बढदै गएका कारण ज्यान गएको बताउनुभयो । सो घट्ना पछि रामेछाप नगरपालिकाका प्रवक्ता एबं वडा नं ७ का वडा अध्यक्ष समिर कार्की पनि बेहोस हुनुभएको थियो । उहाको भने जिल्ला अस्पताल रामेछापमा उपचार भइरहेको छ ।