मन्थली,३२ जेठ । खाँडादेवी गाँउपालिकाको प्रयागेश्वर माध्यमिक विद्यालयका पूर्व विद्यार्थीहरुले आफु पढेको बिद्यालयका प्रधानाध्यपकको कार्यकक्षलाई आवश्यक पर्ने विभिन्न सामग्रीहरु हस्तान्तरण गरेका छन् ।
विद्यालयबाट ०५१ सालमा एस.एल.सी दिएका पूर्व विद्यार्थीहरुले प्रअ हरिनारायण श्रेष्ठको कार्यकक्षका लागि आवश्यक सोफा, दराज, कार्पेट, कुर्चि, टेवुल लगायतका सामग्रीहरु हस्तान्तरण गरेको पूर्व बिद्यार्थी समाजका सचिव रामकुमार कार्कीले बताउनु भयो । सो बिद्यालयवाट ०५१ सालमा एस एल सी दिएका बिद्यार्थीहरुले विद्यालयका सवै शिक्षकहरुलाई सम्मान पत्र तथा दोसल्ला ले सम्मान समेत गरेको कार्कीले जानकारी दिनुभयो ।
आफुहरुले भौतिक पूर्वाधारको अभावमा दुःख भोगेर पढ्नु परेको अनुभव संगालेका पूर्व बिद्याथीहरुले शिक्षकहरुको मनोवल उच्च भए मात्र पठन पाठन राम्रो हुने भएकाले आफुहरुले भोगेको जस्तो दुःख अबको पुस्ताले भोग्नु नपरोस भनेर विद्यालयलाई करिव २ लाख बराबरको सामग्री सहयोग गरेको पूर्व विद्यार्थीहरुले बताएका छन् ।
आफ्नो कार्यकक्षमा पर्याप्त सामाग्रीहरु प्राप्त भएपछि सामाग्री हस्तान्तरण गर्ने बिद्यार्थीहरुलाई प्र अ हरिनारायण श्रेष्ठले धन्यवाद ज्ञापन गर्नु भएको थियो ।
पूर्व बिद्यार्थी सरस्वति के.सी.को अध्यक्षतामा सम्पन्न कार्यक्रमका प्रमुख अतिथिको एबं सो बिद्यालयका पूर्व प्र.अ सिताराम भण्डारीले ०५१ को व्याजीले राम्रो कामको शुरुवात गरेकाले अन्य व्याज का पूर्व बिद्यार्थीहरुले पनि यस्ता काम गरेर नमुना प्रर्दशन गर्नुपर्ने बताउनुभयो ।
कार्यक्रममा बिद्यालयका प्र.अ श्रेष्ठ, पूर्व विद्यार्थीहरु राधाकृष्ण खड्का, टंकप्रसाद ढुंगेल, पुष्कर कार्की, राजकुमार घिसिङ्ग, ओमप्रकाश श्रेष्ठ, खिलानाथ ढुंगेल, राजेश कार्की लगायतका बक्ताहरुले आ आफ्नो मन्तव्य राख्नु भएको थियो ।
यो बारेमा तपाईको प्रतिकृया