काठमाण्डौ- रामेछापका वरिष्ठ पत्रकार बद्री नयाँघरे सम्मानित हुनुभएको छ । उहालाई रामेछाप सास्कृतिक कलाकार समाजले पत्रकारितामा पु¥याएको योगदानको उच्च मुल्यांकन गर्दै सम्मान गरेको हो । समाजद्धारा शनिबार काठमाण्डौमा आयोजित ‘दशै–तिहार शुभकामना आदान प्रदान तथा श्रष्टा सम्मान’ साँस्कृतिक कार्यक्रममा उहाँ सहित दश जना व्यक्तित्वहरु सम्मानित भएका छन् । सम्मानित हुनुभएका वरिष्ठ पत्रकार नयाँघरे नेपाल अभियान मिडिया ग्रुप प्रालिका अध्यक्ष समेत हुनुहुन्छ ।
सम्मानित हुनेहरुमा संविधानसभा सदस्य एवं वरिष्ठ समाजसेवी दालकुमारी सुनुवार, व्रिटिस आर्मीका भूपू लेफ्टिनेन्ट एवं वरिष्ठ समाजसेवी मान बहादुर सुनुवार, रामेछाप सास्कृतिक कलाकार समाजका निवर्तमान अध्यक्ष तथा संरक्षक प्रकाश कटुवाल, कनून मन्त्रालयका उपसचिब रामप्यारी सुनुवार, वरिष्ठ गायक एवं संगितकार चन्द्रकुमार दोङ, बरिष्ठ लोक गायिका शर्मिला गुरुङ, लोक गायक तथा सर्जक शिव हमाल, लोक तथा सुगम संगीत गायिका स्मृती शाही र कौडा तथा सालैजो गीतकार दीप सागर मगर रहेका छन् ।
कार्यक्रम रामेछाप सास्कृतिक कलाकार समाजका अध्यक्ष रामकुमार पौडेलको अध्यक्षता, संघीय संसाद श्याम कुमार श्रेष्ठको प्रमुख आतिथ्यता तथा संविधान सभा सदस्य लक्ष्मी गुरुङको विशिष्ट आतिथ्यतामा भएको हो । विभिन्न क्षेत्रमा योगदान पु¥याएका व्यक्तित्वहरुलाई कार्यक्रमका प्रमुख अतिथि तथा विशिष्ठ अतिथिले दोसल्ला ओढाउँदै सम्मान पत्र दिएर सम्मान गरेका छन् ।
यो बारेमा तपाईको प्रतिकृया