नेपाल मगर संघ रामेछापको सातौं जिल्ला अधिवेशन मंसिर २८ गते

रामेछाप– नेपाल मगर संघ रामेछापको सातौं जिल्ला अधिवेशन यहि मंसिर २८ गते हुने नेपाल मगर संघ रामेछापले बताएको छ । ‘सम्पूर्ण रामेछाप बासी मगरहरु रामेछाप मन्थली जाउँ, नेपाल मगर संघको सातौ अधिबेशन सफल पारौं’ भन्ने मूल नाराका साथ हुन लागेको सातौं अधिवेशन मन्थलीको बुद्धिस समाज बिकास गुम्बा हलमा हुने आयोजकले बताएको छ ।

मगर समुदायको लामो इतिहाँस बोकेको नेपाल मगर संघ रामेछापको सातौ अधिवेशन सफल पार्नको लागि जिल्लाका सम्पूर्ण मगर समुदायहरुलाई कार्यक्रममा उपस्थिति हुन समेत आयोजकले आग्रह गरेको छ । अधिवेशन मंसिर २८ गते बिहान साँढे दश बजे देखि नै सुरु हुने नेपाल मगर संघ जिल्ला कर्यसमिति रामेछाप मुल आयोजक समितिका संयोजक शिबसागर मगरले बताउनुभयो ।