रामेछाप- रामेछाप उद्योग वाणिज्य संघमा निर्वाचित हुनुभएका केशव प्रसाद घिमिरेले व्यवसायिक हितमा काम गर्ने प्रतिवद्धता व्यक्त गर्नुभएको छ । निर्वाचित भए पछि नेपाल अभियानसँग कुरा गर्दै अध्यक्ष घिमिरेले आफू लामो समय देखि व्यवसायिक क्षेत्रमा रहेर काम गर्दा भोग्नु परेको समस्यालाई आम उद्योगी एवं व्यवसायिको समस्या सम्झी व्यवसायिक हितमा काम गर्ने प्रतिवद्धता व्यक्त गर्नुभएको हो ।
उहाँले भन्नुभयो –‘वाणिज्य संघ जिल्लाभरीका उद्योगी र व्यवसायिहरुको छाता संगठन हो, यसले उहाँहरुको हितमा काम गर्छ । मेरो नेतृत्वमा रहेको समूहले १९ वुँदे र जगन्नाथ दाहालको नेतृत्वमा रहेको समूहले १५ बुँदे प्रतिवद्धताहरु अगाडि सारेर चुनाव जितेका छौं । व्यवायिक हितको लागि आवश्यक दुबै समूहका प्रतिवद्धताहरुलाई पूरा गर्न हामी लागी पर्ने छौँ । त्यसैगरी चुनाव अघि हामी दुई समूहमा देखिएको भए पनि आगामी दिनमा दुई समूहमा विभाजन नभई सबैसँग सहकार्य गरेर काम गर्छौ ।’
रामेछाप उद्योग वाणिज्य संघमा यस अघि पनि सबै पक्षका साथीहरु नेतृत्वमा रहेर काम गरिएको हुँदा यो पटक दुई समूहबाट निर्वाचति भएर आउँदा पनि कार्यसम्पादनमा कुनै समस्या नआउने अध्यक्ष घिमिरेको तर्क रहेको छ । आइतबार भएको रामेछाप उद्योग वाणिज्य संघको निर्वाचनमा अर्का अध्यक्षका प्रत्यसी जगन्नाथ दाहाललाई घिमिरेले ९ मतको मतान्तरले जित्नुभएको हो ।
समूह भन्ने नै हुँदैनः महासचिब ढुङ्गेल
त्यस्तै अर्को समूहबाट महासचिवमा निर्वाचित हुनुभएका नवराज ढुङ्गेलले निर्वाचनमा आएको मिश्रित परिणामले उद्योग वाणिज्य संघमा कुनै असर नपार्ने बताउनुभएको छ । उद्योग वाणिज्य संघ व्यवासायिक हितमा काम गर्ने संस्था भएकाले त्यसमा व्यवसायिहरुको पक्षमा काम गर्दा दुई समूहबाट निर्वाचित भएको कुरा गर्न नमिल्ने उहाँको धारणा रहेको छ ।
निर्वाचि अध्यक्ष, आफू, अन्य पदाधिकारी र सदस्यहरु पनि यस अघि उद्योग वाणिज्य संघको विभिन्न पदमा रहेर काम गरेको अनुभव भएकाले आमागी कार्यकालमा सहजै काम गर्न सकिने उहाँको भनाई रहेको छ । आ–आफ्नो जिम्मेवारी अनुसार सबैको सुझाव लिएर काम गरिने महासचिब ढुङ्गेलले बताउनुभयो ।
यस्ता छन नयाँ पदाधिकारीहरु
९ पदाधिकारी र ५ सदस्य गरी १४ पदको लागि भएको रामेछाप उद्योग वाणिज्य संघको निर्वाचनमा केशव प्रसाद घिमिरे अध्यक्ष र यज्ञ प्रसाद सुवेदी सदस्यमा घिमिरे समूहबाट निर्वाचित भएका छन् भने ८ पदाधिकारी र ४ सदस्य दाहाल समूहबाट निर्वाचित भएका छन् ।
यो बारेमा तपाईको प्रतिकृया