रामेछाप- लकडाउनको बेला आम नागरिकमाझ सूचना पुर्याउन रातदिन खटीरहने पत्रकार पनि उतिकै मारमा परेका छन् । २०७६ साल चैत्र ११ गतेबाट लगाएको लकडाउन पटक–पटक समय थप्दै लम्ब्याउँदा पत्रकारलाई सूचना संकलनमा जति समस्या परेको छ केही पत्रकारहरुलाई आफ्नो दैनिकी चलाउन पनि उतिकै समस्या परेको छ । यसरी पत्रकारको पनि दैनिकी बुझ्ने मन्थली नगरपालिका वडा नम्बर १४ का युवा चन्द्रकुमार वाइबाले विभिन्न संचार माध्यममा काम गर्ने पत्रकारलाई आर्थिक सहयोग गर्नुभएको छ । वाइबा काठमाण्डौ उपत्यका निर्माण व्यवसायि संघका सदस्य पनि हुनुहुन्छ ।
लकडाउनको समयमा पनि आफ्ना समस्या भन्दा पनि आम नागरिकको समस्यालाई बुझ्दै सूचना प्रवाहमा जुटीरहने तर आर्थिक समस्याका कारण दैनिकी चलाउन समेत अफ्टेरोमा परेका पत्रकारलाई सहयोग गर्नुभएको हो । यसरी वाइबाले रामेछाप जिल्लामा रहेर काम गर्ने पत्रकार रामचन्द्र विकलाई शनिबार दश हजार उपलब्ध गराएर सहयोग गर्नुभएको छ । वाइवाले यसअघि ईआर्थिक डक कम अनलाइन र बजार पत्रिकाका प्रकाशक रोशन राउतलाई घर बीस हजार उपलब्ध गराउनुभएको थियो ।
रातदिन नागरिकहरुलाई सूचना प्रवाहमा खट्ने पत्रकारहरुलाई आफूले गरेको सानो सहयोगले केही समस्या समधान हुने विश्वास व्यक्त गर्नुभएको छ ।
राज्यले समेत देख्न नसकेको पत्रकारको समस्यालाई वाइबाको सहयोगी भावनाले आफूलाई राहत मिलेको विकले बताउनुभयो । आफूजस्ता धेरै पत्रकारहरु समस्यामा रहेकाले वाइबाले जस्तै राज्य र अन्य निकायले ध्यान दिनुपर्ने उहाँको माग रहेको छ । व्यक्तिगत रुपमा सहयोग गर्ने वाइबालाई विकले धन्यबाद समेत दिनुभएको छ । विक नेपाल अभियान डट कमका समाचार संयोजक एवं प्राइम टाइम्स टेलिभिजनका जिल्ला संवाददाता पनि हुनुहुन्छ ।
वाइबाले लकडाउनको समयमा मन्थली नगरपालिका वड नं १४ तथा जिल्लाको विभिन्न ठाउँ घर भइ काठमाण्डौ बसेर काम गर्दै जीवन बिताउने अलपत्र परेका दुई सय भन्दा बढी नागरिकलाई आफ्नो व्यक्तीगत खर्चमा घर फर्काउनुभएको थियो ।
यो बारेमा तपाईको प्रतिकृया