रामेछाप । पाँचौ संविधान दिबस को अबसर पारेर नेपाली काँग्रेस रामेछाप–काठमाण्डौ सम्पर्क समितिको आयोजनामा काठमाण्डौको असन स्थीत कमलाक्षी चोकमा शनिबार रक्तदान कार्यक्रम सम्पन्न भएको छ ।
“मानवताको सेवानै जीवनको सर्वोत्तम कार्य हो, रक्तदान जीवन दान” भन्ने मूल नाराका साथ आयोजना गरिएको उक्त कार्यक्रममा ६२ जनाले रक्तदान गरेको सम्पर्क समितिका उप सभापति एबं कार्यक्रम संयोजक प्रदिप कुमार बस्नेतले नेपाल अभियानलाई जानकारी दिनुभयो ।
पूर्ब रक्षा मन्त्री एबं नेपाली काग्रेसका बर्तमान केन्द्रीय सदस्य भिमसेन दाश प्रधानको प्रमुख आतिथ्यतामा सम्पन्न उक्त कार्यक्रममा नेपाली काँग्रेस रामेछापका पार्टि सभापति लवश्री न्यौपाने, पूर्ब सभापति रामचन्द्र खड्का लगाएतका महाधिबेशन प्रतिनिधि महासमिति सदस्यहरु, सम्पर्क समितिका पदाधिकारीहरु र काँग्रेसका नेता तथा कार्यकर्ताहरुको उपस्थीति रहेको थियो ।
१ सय जना भन्दा बढि रक्तदानका लागि कार्यक्रम स्थलमा आइपुगेका भएपनि रेडक्रस स्थित ब्लड बैकले ६२ वटा मात्र फाराम उपलब्ध गराएका कारण ४० जना भन्दा बढि मानिसहरु रक्तदान नगरि फर्किनु परेको बस्नेतले गुनासो गर्नुभयो । उहाले भन्नुभयो – यो कार्यक्रमका लागि प्राबिधिक सहयोग गर्ने रेडक्रस लाई हामिले रक्तदान गर्ने मानिस धेरै भएका कारण थप फाराम उपलब्ध गराईदिन निकै अनुरोध गरयौ तर उसले मानेन ।
रक्तदान कार्यक्रममा प्रति ब्यक्ति बढिमा १ पौण्ड रगत दान गर्ने गरिएको छ ।
यो बारेमा तपाईको प्रतिकृया