रामेछाप । रामेछापजिल्लामा थप २३ जनामा कोरोना संक्रमण पुष्टि भएको छ । जिल्ला स्वास्थ्य कार्यालय रामेछापका अनुसार मंगलबार महिला ११ जना र पुरुष १२ जना गरि २३ जनामा कोरोना संक्रमण पुष्टि भएको छ ।
जनस्वास्थ्य अधिकृत भुवन थापाका अनुसार मंगलबार मन्थली नगरपालिकाका २० जना , लिखुतामाकोसी गाउँपालिकाका दुईजना र सुनापति गाउँपालिकाका एकजनामा कोरोना संक्रमण पुष्टि भएको छ ।
संक्रमण पुष्टि हुनेमा मन्थली नगरपालिका वडा नं १ का र ४५,३९,२६,१३,३५,२४,३६,१५,५४,२८ बर्षका महिला र ४९ ,४६,१९,३२,२४,२४,५८ वर्षका पुरुष त्यसैगरी लिखुतामाकोसी गाउँपालिका वडा नं १ की ३४ वर्षकी महिला रहेका छन् । त्यसैगरी मन्थली नगरपालिका वडा नं ८ का ७१ बर्षिय र सुनापति गाउँपालिका वडा नं ५ का एक पुरुष शिक्षक , लिखुतामाकोसी गाउँपालिका वडा नं ६ का ३९ बर्षिय र मन्थली नगरपालिका वडा नं १२ का २१,२१ वर्षका पुरुषमा कोरोना संक्रमण पुष्टि भएको हो । यो संगै जिल्लामै स्वाब संकलन गरिएका संक्रमित हुनेको संख्या १ सय ३४ जना पुगेको छ ।
आफ्ना कर्मचारी र नगरवासीमा कोरोना संक्रमण पुष्टि भएपछि मन्थली नगरपालिकाले पालिका र वडा नं ८ बाट प्रवाह गरिने अत्याबश्यक वाहेक सबै सेवा बन्द भएको जनाएको छ ।
मन्थली नगर प्रमुख रमेश कुमार बस्नेतद्धारा हस्ताक्षरीत सूचनामा नगरपालिकामा कार्यरत केहि कर्मचारीहरुमा कोभिड १९ पोजेटिभ देखिएकोले यस नगरपालिका र न पा अन्तर्गतको ८ नं वडा वाट प्रवाह हुने स्वास्थ्य, बिपद र फोहोर ब्यवस्थापन जस्ता अत्यावश्यक वाहेकका सबै सेवा यहि आसोज २८ गते देखि कार्तिक २ गते सम्मका लागि बन्द गरिएको जनाइएको छ ।
यो बारेमा तपाईको प्रतिकृया