रामेछाप । रामेछाप नगरपालिका वडा नं–७ का वडाअध्यक्ष समिर कार्कीले पनि टोल टोलमानै पुगेर सामाजिक सुरक्षा भत्ता वितरण गर्नुभएको छ ।
आफ्नो वडाका जेष्ठ नागरिक,अपाङ्ग,एकल महिला,दलित र लोपोन्मुख हायु जातिहरुले भत्ताका लागि वडा कार्यालय सम्म पुग्नु नपरोस भनेर टोल टोलमै पुगरे आफुले गरेको बताउनुभयो ।
आफुले आफ्नो वडाका सामाजिक सुरक्षा भत्ता प्राप्त गर्ने सबैले दशै मान्नका लागि सहज ढंगबाट भत्ता पाउनबाट बञ्चित हुनु नपरोस र अहिलेको कोरोनाको बढ्दो संक्रमणको प्रभाव उहाँहरुमा नपरोस भन्नका लागि गाउमै गएर भत्ता बितरण गरेको बताउनुभयो ।
उहाँका अनुसार–आफैले मतदान गरेर जिताएको वडाध्यक्ष भत्ता लिएर गाउमा पुगेपछि आफ्ना मतदाताहरु खुसिले दंग छन् ।
भत्ता लिनका लागि वडा कार्यालयमा जानु पर्ने वडाका ति समुहहरुलाई आफ्नो कार्यालयको टोली नै गाँउ गाँउमा लगेर भत्ता बितरण गरि अनाबश्यक झन्झट बाट मुक्ति दिएको पनि अध्यक्ष कार्कीले बताउनु भयो ।
सरकारले अब सबै खाले सामाजिक सुरक्षा भत्ता बैक मार्फत बितरण गर्ने घोषणा गरेसँगै गाँउ गाँउमा पुरेर भत्ता बितरण गर्ने यो अन्ति पटक पनि हुन सक्ने अध्यक्ष कार्कीले बताउनुभयो । उहाले भन्नुभयो–यसरी गाँउ गाँउ गएर भत्ता बड्दा त केहि समस्या अझै छन् भने बैंकमै पैसा हालिदिदा त जेष्ठ नागरिक र अपाङ्गलाई असाध्यै समस्या हुने संभावना छ ।
सामाजिक सुरक्षा भत्ता लिएर खुसी हुँदै सुकाजोरका जेष्ठ नागरिक डिल्ली बहादुर कार्कीले भने – हामिलाई बैक को सेवा भन्दा यो प्रकारको सेवानै अत्यन्तै सहज र सर्बसुलभ भएको छ अब बैकिङ्ग सेवा हुने हो भने हामि बैंक जान सक्दैनौं ।
कार्तिकको पहिलो हप्ताको वुधबार सम्ममा आफुले सबै सरोकारवालाहरुलाई सामाजिक सुरक्षा भत्ता वितरण गरिसक्ने अध्यक्ष कार्कीको योजना रहेको छ ।
यो बारेमा तपाईको प्रतिकृया