रामेछाप । लामो समय देखिको मन्थली नगरपालिकाको फोहोर ब्यवस्थापनको समस्यामा कुनै सुधार हुन सकेको छैन । कार्यालय खुल्ने दिनमा नियमित रुपमा फोहोर उठ्ने गरको भएपनि त्यसको ढुवानी र विसर्जन स्थल ब्यवस्थित बन्न सकेको छैन ।
यसरी जिल्ला सदरमुकाम समेत रहेको मन्थली नगरपालिकाको फोहोर ब्यवस्थापन ब्यवस्थीत रुपमा नहुँदा र फोहोर बिसर्जन गर्ने उपर्युक्त स्थान नहुँदा नागरिकहरुले सास्ती ब्यहोर्नु परेको छ ।
हाल बजार भरीको फोहोर ट्रयाक्टरमा हालि रणजोर खोलाको दोभान (तमाकोशी नदी छेउ) विसर्जन गर्ने गरिएको छ ।
तर सार्बजनिक बिदाको दिन फोहोर नउठदा लामो बिदा भएको बेलामा फोहोरका कारण मन्थली बजार दुर्गन्धित हुने गरको छ ।
फोहोरका लागि स्थानीय आर एस कन्स्ट्रक्सन प्रा.लि का सञ्चालक रामकुमार तमाङले फोहोर उठाए बापद मन्थली नगरपालिकालाई बार्षिक रुपमा ३ लाख भन्दा बढि कर तिर्ने गरी सम्झौता गर्नुभएको छ ।
तर फोहोर उठाउने नाममा ओभरलोड फोहोर हालि पिच बाटोमा र रणजोर खोलैखोला वा गडवारी घुमाएर कोशीको तिरैतिर लैजादा जथाभाबि सिसाका टुक्रा, अस्पतालमा प्रयोग गरेका सिरिन्जहरु र सिसाको बेतालका टुक्राहरु छर्दै बिसर्जन स्थाल सम्म पुग्दा त्यस खोला र कोशी किनार भएर साझ बिहान हिड्ने बटुवाहरु त्यसको प्रत्यक्ष मारमा परेको मन्थली न पा १ का स्थानीय पाण्डब सुबेदीले बतउनुभयो ।
यसकाबारेमा मन्थली नगरपालिकाका प्रमुख रमेश कुमार बस्नेतले भन्नुभयो– “हामिले पटक पटक ब्यवस्थित ढंगबाट फोहोर लैजान भनेका छौं, तर उनीहरुले हेलचेक्र्याई गरिरहेका छन् । स्थानीय नागरिकहरुबाट यो बिषयमा कुरा उठिरहेको छ । यो बर्षका लागि सम्झौता भैसकेका कारण यस्तै अबस्था हो भने हार्मी अर्को बर्ष ठेकेदार परिबर्तन गर्न पनि सक्छौ । ” उहाका अनुसार– फोहोर बिसर्जन गर्ने ब्यवस्थि ठाँउको खोजि भैरहेको र संभाबित ठाँउहरुको अवलोकन गरी आबश्यक प्रकृया पनि अगाडि बढिरहेको र बिसर्जन गर्ने स्थानका लागि नगरपालिकाले बिनियोजित गरेको रकम बिधि र प्रकृया नमिल्दा खर्च हुन सकेको छैन ।
स्थानीय वजारवासीहरुले भने आफुले मासिक रुपमा फोहोरको पैसा तिर्ने गरेपछि ठेकेदारले पनि हरेक दिन (सार्बजनिक बिदाको दिन समेत) फोहोर उठाउनु पर्ने माग गरेका छन् ।
चालु आर्थिक बर्षका लागि फोहोर उठाउने ठेक्का लिएका आर एस कन्स्ट्रक्सन का संचालक राजकुमार तमाङलाई नेपाल अभियाको ०४८–५४०३२७ बाट पटक –पटक सम्पर्क गर्दा उहाले फोन उठाउनु भएन ।
यो बारेमा तपाईको प्रतिकृया