रामेछाप १७ कात्तिक । रामेछाप जिल्लाको मन्थली नगरपालिका वडा नं १२ गेलुमा सोमबार दिउँसो आगलागि हुँदा ३ घर जलेर नष्ट भएका छन् भने १७ लाख बरावरको धनमाल क्षति हुनुका साथैै १ जना वालक गम्भिर घाइते भएका छन् ।
विद्युत सट भई स्थानीय जुना बुढाथोकीको घरबाट शुरु भएको आगलागि कारण उक्त घर सँगै रहेका अरु २ घर पनि जलेर नष्ट भएका थिए ।
आगलागिका कारण घर भित्र रहेका ४ बर्षका बालक श्रवण बुढाथोकी गंभिर घाइते भएका हुन् । घाइते बालकलाई मन्थली स्थित ताामाकोसी अस्पतालमा प्राथामिक उपचार गरी थप उपचारका लागि सोमबार नै काठमाण्डौ पठाइएको छ ।
आगलागि भए लगत्तै नेपाल प्रहरी, शसस्त्र प्रहरी र किर्नेबाट गएको नेपाली सेनाको टोलीले आगो निभाउनुका साथै अन्य उद्धारका कार्यहरु गरेको रामेछापका प्रमुख जिल्ला अधिकारी रुद्रादेवी शर्माले बताउनुभयो । पिडितहरुलाई सोमबारनै प्रमुख जिल्ला अधिकारी शर्माले उनीहरुको घरमा नै पुगेर राहत वितरण गर्नु भएको छ ।
पिडित परिवारलाई घट्ना घटेको २४ घण्टा भित्र राहत सामग्री उपलब्ध गराउने सरकारको निति अनुसार उहाले ५ घण्टा भित्र घटना स्थलमा नै पुगेर राहत स्वरुप नगद, लता कपडा, टेन्ट त्रिपाल र राहत किट लगाएका सामाग्रीहरु वितरण गर्नुभएको थियो ।
यो बारेमा तपाईको प्रतिकृया