रामेछाप २८ कात्तिक । रामेछापको मन्थलीमा शुक्रवार सम्पन्न एम्नेष्टि इन्टरनेशनल नेपाल समूह–१९ को आठौ साधारण सभा तथा चौथो अधिबेशनले अप्रिल अधिकारीको संयोजकत्वमा ९ सदस्यिय नयाँ कार्य समिति निर्बिरोध चयन गरेको छ ।
यसरी नबगठित कार्यसमितिमा रहनेहरुमा सह–संयोजक, सचिब, सह– सचिब, कोषाधाध्यमा क्रमश कुमार श्रेष्ठ, ज्ञानु श्रेष्ठ, नेप्लु (भट्ट) जिरेल र जनुकी श्रेष्ठ रहनु भएको छ भने सदस्यहरुमा,पुष्कल घिमिरे, रामचन्द्र बि क घना श्रेष्ठ र सृजना बस्नेत रहनु भएको छ ।
संस्थाका संयोजक हिमाल ढुंगेलको अध्यक्षतामा सम्पन्न उक्त कार्यक्रमको उद्घाटन जिल्ला समन्वय समितिका प्रमुख प्रेम बहादुर खड्काले गर्नु भएको थियो ।
सो अबवसरमा बोल्दै उहाले यस्ता मानवअधिकार बादी संस्थाले गर्ने सामाजिक काम पारदर्शि र प्रभाबकारी हुने भन्दै यो अभियानमा लागिरहन अनुरोध गर्नुभयो ।
पत्रकार महासंघ रामेछापका अध्यक्ष रमेश ढुंगेलले अन्तराष्ट्रिय स्तरको यस संस्थामा लाग्ने सदस्यहरुलाई कुनै आर्थिक लाभ नभइ घाटा हुने भएपनि यो संस्थामा सदस्य बनेर अधिकारको क्षेत्रमा काम गर्न पाउनु गौरवको कुरा भएको बताउनु भयो । उहाले बिगतको भन्दा प्रभाकारी ढंगबाट एम्नेष्टिले काम गर्नुपर्ने बताउनुभयो ।
तामाकोशी सेवा समितिका कार्यक्रम निर्देकक एबं सो अधिबेशनका निर्बाचन समितिका संयोजक गोबिन्द प्रासद घिमिरेले यस्ता अभियान हरुले ठुला ठुला परिबर्तन समेत गरेको उदाहरणहरु भएको भन्दै आफ्नो अभियानमा निरन्तर लाग्न सके जिल्लामा पनि धेरै प्रभावकारी काम गर्न सकिने बताउनुभयो ।
पत्रकार महासंघ रामेछापका पूर्व अध्यक्ष एबं अधिबेशनका निर्बाचन समिति सदस्य टिका प्रसाद भट्टले एम्नेष्टिले जिल्लामा केहि काम गरेको भएपनि अझै धेरै गर्न बाँकी रहेको एम्नेष्टिले यस अघि आस्थाका बन्दिहरुको रिहाइका लागि जिल्लामा पनि हस्ताक्षर अभियान संकलन गरेको स्मरण गराउन भयो ।
उद्घाटन सत्रको समापनका अबसरमा बोल्दै कार्यक्रमका अध्यक्ष हिमाल ढुंगेलले बिश्वका २ सय देशका ३५ लाख भन्दा बढि सदस्य भएको बिश्वको सबैभन्दा ठूलो मानव अधिकार बादी संस्थामा जोडिन पाउनु हामि सबैको गौरवको कुरा भएको बताउदै यो स्वंय सेवी अभियानमा लाग्ने अभियान्ता हरुको संगठन ले निकालेको एउटा बिज्ञप्तीले संसारको निकै कठोर मानिएका तानाशाह शासकहरु पनि हल्लिएका प्रसस्तै उदाहरण हरु भएकोले यसमा लागेर काम गर्दा अन्य चिज प्राप्त गर्न नसके पनि आत्मसन्तुष्टी भने प्राप्त हुने बताउनुभयो ।
बन्द सत्रले सांगठनिक र आर्थिक प्रतिबेदन समेत पास गरेको छ ।
यो बारेमा तपाईको प्रतिकृया