रामेछाप ६ मङ्सिर । रामेछाप र दोलखा जिल्लाको सिमानामा पर्ने शैलुङ्ग क्षेत्रको बिबाद कायमै रहेको छ ।
यस क्षेत्रलाई रामेछाप र दोलखा जिल्लाले आ–आफ्नो क्षेत्रका रुपमा दाबी गरेको भएपनि यसको बिबाद अझै सम्म पनि सुल्झिन सकेको छैन ।
दोलखा जिल्लाको शैलुङ्ग गाँउपालिकाले शैलुङ्ग क्षेत्र पुरै आफ्नो पालिकाको भू–भाग दावी गर्दै भ्यूटावर लगायत अन्य बिभिन्न संरचनाहरु बनाउन थालेपछि दोरम्बा गाउपालिका अध्यक्ष कमान सिं तमाङ आक्रोशित हुनु भएको छ ।
शैलुङ्ग गाँउपालिकाले भने यस अघि नै त्यस क्षेत्रमा रहेका ऐतिहासिक स्थलहरु(बुद्धको पाइला, जारकाटे ढुंगो, जारकाटे तरवारं) लाई नामाकरण गरी आफ्नो पालिकाको नाम उल्लेख गरेको छ ।
शनिवार आयोजित एक कार्यक्रमममा बोल्दै दोरम्बा गाउपालिकाका अध्यक्ष कमान सिं तमाङ्गले शैलुङ्ग लाई दोलखा जिल्लाको शैलुङ्ग गाउपालिकाले हस्तक्षेप गरी बिभिन्न संरचनाहरु निर्माण गरेको र ऐतिहासिक स्थलहरुको नामाकरण गरी आफ्नो गाउपालिकाको नाम उल्लेख गरेको प्रति आक्रोश ब्यक्त गर्नु भएको हो । । उहाले बिबाद नटुंगिए सम्म कुनै किसिमको संरचना बन्न नहुने बताउनुभयो ।”
संबाद समुह रामेछापले शैलुङ्गमा आयोजना गरेको बैठकले यो बिबाद चाडै टुग्याउन जिल्लास्तरीय सरोकारवाला हरुको बैठक राखि दोलखा र रामेछापको जिल्लास्तरीय संयुक्त बैठक बाट यस समस्याको समाधानका लागि पहल गर्ने निर्णय गरेको छ ।
पर्यटकिय हिसावले राम्रो गन्तब्यस्थलका रुपमा चिनिने यस क्षेत्रलाई विकास गर्नका लागि यो क्षेत्रको बिबाद टुंगिन आबश्यक रहेको जिल्ला समन्वय समिति रामेछापका प्रमुख प्रेम बहादुर खड्काले बताउनुभयो ।
हिजो आज शैलुङ्ग अबलोकन गर्न जाने आन्तरिक तथा बाह्य पर्यटकहरुको भिड लाग्ने गरेको छ ।
यो बारेमा तपाईको प्रतिकृया