रामेछाप, १२ मंङ्सिर । लैङ्गिक हिंसा बिरुद्धको १६ दिने अभियानलाई निरन्तरता दिन मन्थली नगरपालिकाले शुुक्रबार अन्तर कृयात्मक तालिमको अयोजना गरेको छ ।
नगरपालिकाले बुधबार अर्थात नोभेम्बर २५ बाट सुरु गरेको उक्त अभियानको अवसर पारेर शुक्रवार लैङ्गिक समविकास तालिमको अयोजना गरेको हो ।
कार्यक्रममा वडाका जनप्रतिनीधि,जेष्ठ नागरिक र मावि शिक्षकहरुको सहभागिता रहेको थियो ।
कार्यक्रमका सहभागि हरुलाई नगरपालिकाका उप–सचिव दिपक सुवेदी, नेपाल प्रहरीका प्रतिनिधि, अधिबक्ता सुदर्शन राय लगाएतले लैङ्गिक हिंसा का बिभिन्न बिषयवस्तुहरुका बारेमा सहजिकरण गर्नुभएको थियो ।
२०७७ मंसिर १० देखि २५ गते (तदनुसार २०२० नोभेम्बर २५ देखि डिसेम्बर १०) सम्म बिभिन्न कार्यक्रम गरी मनाउन लागिएको उक्त अभियानलाई नगरका अन्य वडाहरुमा सम्म लैजाने र अन्तिम दिन सदरमुकाम मन्थलीमा सरोकारवालाहरुको रोहबरमा समापन गर्र्ने कार्यक्रम रहेको मन्थली नगरपालिकाले जनाएको छ ।
जिल्लाका अन्य पालिकाहरुमा पनि अभियानलाई १६ दिन सम्म विविध कार्यक्रमको आयोजना गरी मनाउन सुरु गरिएको छ ।
“लैङ्गिक हिंसा अन्त्यको प्रतिबद्धता ः व्यक्ति,समाज र सबैको ऐक्यबद्धता” भन्ने मूल नारा सहित बुधबार देखि देशभर एक साथ उक्त अभियानको शुभारम्भ भएको थियोे ।
उता रेडक्रस सोसाइटि केन्द्रिय कार्यालयले पनि उक्त अभियानमा आफ्नो ऐक्यवद्धता रहेको जानकारी गराउदै आफ्ना ७ वटै प्रदेश शाखा, जिल्ला शाखा, उपशाखा र युवा जुनियर रेडक्रस सर्कलहरुले स्थानीय स्तरमा रहेका सरकारी तथा गैर सकारी कार्यालयहरु सँग समन्वय गरी उक्त अभियान बिबिध कार्यक्रमहरु सञ्चालन गरी सफल पार्न अनुरोध गरेको छ ।
यो बारेमा तपाईको प्रतिकृया