नवुघटको माझी बस्तिमा खुसीयाली

रामेछाप २२ मङ्ंसिर । सदियौ देखि विकासमा पछाडी परेको रामेछापको नवुघाटको माझि बस्तीमा यति बेला निकै खुसियाली छाएको छ । शिक्षा स्वास्थ्य लगाएतको सबै खालको अबसरबाट पिछडिएको मन्थली नगरपालिका बडा नं–६ को नबुघाटमा विकासको चौतर्फि ढोका खुल्नलागेपछि त्यहाँका नागरिकहरुमा खुसियाली छाएको हो ।
विगतमा पनि जिल्ला सदरमुकामको रामेछाप बजार संगै र संघियताको कार्यान्वयन पछि पनि जिल्ला सदरमुकाम मन्थली नगरपालिका भित्रै परेको भए पनि सबै खाले बिकासमा उक्त माझि बस्ती पछाडी पर्दै आएको थियो । जसका कारण त्यस बस्तिमा केहि समय अघि मात्र बिद्युत र सडक पुगेको हो ।
मध्य पहाडी राजमार्गको समिपमा र सुनकोसी नदिको किनारमा रहेर पनि पिछडिएको उक्त बस्ति थुप्रै संभाबना बोकेको बस्तीको रुपमा परिचित गाउँ हो । तसर्थ उक्त बस्ति बिकासमा निकै पछाडी परेकोले पनि नवु घाटका माझिहरु आर्थिक,सामाजिक र राजनितिक कारणले पनि निकै पछाडी पर्दे आएका थिए । तर अहिले भने चौतर्फी रुपमा एकै पटक थुप्रै विकासको वर्षा हुन थालेपछि आफुहरुमा उत्साह छाएको स्थानीय गणेश माझीले बताउनुभयो ।
करिब ६० घर माझिहरुको बसोबास र ३ हजार रोपनी खेतियोग्य जमिन भएर पनि सिंचाईको अभावमा बाँझै रहेको उक्त बस्तीलाई लक्षित गरी हाल त्यस ठाउँमा खानेपानी,सिंचाई, र बृहत माछा पोखरीको निर्माणको काम हुन लागेको पनि गणेश माझीले जानकारी दिनुभयो ।

खानेपनी संगै सिंचाईको पनि उत्तिकै समस्या रहेको उक्त माझी बस्तिमा मन्थली नगरपालिकाले २० लाख रुपैयाँको लागतमा सुनकोशी नदिबाट लिफ्ट गरी सिंचाईको ब्यवस्था गर्न लागेको छ । जसको लागि पहिलो चरणमा आबश्यक पर्ने ईनारको सिलान्यास केहि दिन अघि मात्र मन्थली नगरपालिकाका प्रमुख रमेश कुमार बस्नेतले गर्नु भएको थियो ।
त्यसैगरी सोहि बस्तिको आय आर्जन विस्तारको लागि जिल्लामा संञ्चालित वातवरण संरक्षण परियोजनाले पनि यसै बर्ष करिब डेढ लाखको लागतमा माछा पोखरी निर्माण गरिदिने भएको छ । त्यस्तै नवुघाट र वडा नं –६, भलुवाजोरको तल्लो बेतिनी समेतका करिब २ सय ५० घरलाई लक्षित गरी हाल डिभिजन खानेपानी कार्यालयले प्रदेश सरकारको लागतमा खानेपानीको योजना निर्माणको काम पनि भईरहेको छ ।
हाल सम्म गाउँमा विद्युतिकरण सडक संजालले छोएकै भरमा रमाउँदै आएको नबुघाटको माझि बस्ती सम्म पुगेको सडकको स्तर उन्नति गराई छिमेकी नगरपालिका रामेछाप र सिन्धुलीको खुर्काेट बजार सम्म सहजै यातायातका सबै किसिमका साधन संचालन गराउने लक्ष्यका साथ काम भईरहेको स्थानीय अगुवा राजकुमार वम्जनले बताउनुभयो । उहाँले भन्नुभयो –सिङ्गो वडाको प्रतिष्ठा संग जोडिएको नवुघाट विकासमा निकै चम्कीदो अबस्थामा भएकै कारण स्थानीयहरुमा आसा जगाएको छ ।

सिंचाई योजनाको सिलान्यास पछि मन्थली नगरपालिकाका प्रमुख रमेश कुमार बस्नेतले नबुघाटको विकास सिङ्गो नगरको बिकास सँंग जोडिएको र यहाँका माझीहरुको आर्थिक तथा सामाजिक विकासको लागि मन्थली नगरपालिकाले अन्य विकासका कामलाई पनि निरन्तरता दिंदै जाने प्रतिबता ब्यक्तगर्नुभयो ।