रामेछाप, १० माघ । “मानवताको सेवा नै जीवनको सर्वोत्तम कार्य हो,रक्तदान जीवनदान” भन्ने मूल नाराका साथ रामेछाप जेसिजले शनिवार मन्थलीमा रक्तदान कार्यक्रमको आयोजना गरेको छ ।
विगत देखिनै सामाजिक सेवामा समर्पित जेसिजले रगतको अभावमा मृत्युसँग जुधिरहेका विरामीहरूलाई सहयोग गरी नयाँ जीवन दिने उद्देश्यका साथ रक्तदान कार्यक्रम आयोजना गरीएको जेसिज वर्ष–२०२१ का अध्यक्ष जिवन कार्कीले बताउनुभयो ।
अध्यक्ष कार्कीको अध्यक्षतामा र मन्थली नगरपालिकाका नगर प्रमुख रमेश कुमार बस्नेतको प्रमुख आतिथ्यतामा विहान ८ देखि ११ वजे सम्म सम्पन्न उक्त कार्यक्रममा २० जनाले दिएको २० पौण्ड रगत नेपाल रेडक्रस सोसाइटि रामेछापलाई हस्तान्तरण गरिएको छ ।
रक्तदान कार्यक्रमका लागि नेपाल रेडक्रस सोसाइटि जिल्ला शाखा रामेछापले प्राविधिक सहयोग गरेको थियो ।
