रामेछाप, १४ माघ । रामेछाप नगरपालिका वडा नं– ८ बावियाखर्कको एक परिवारले आफ्नो नीजि लगानीमा गणेश मन्दिर निर्माण गरेका छन् । स्वर्गिय राम्जि प्रसाद घिमिरेको परिवारले अफ्ना पिताजीको स्मरणमा कुल २६ लाखको लागतमा गाउँमानै उक्त मन्दिर निर्माण गरेका हुन् । छोराहरु क्रमशः राजन प्रसाद,कृष्ण मुरारी,सिताराम र पशुपति घिमिरेले आफुहरूको नीजि लगानीमा साविक पाठशाला डाँडामा मन्दिर निर्माण गरेका हुन् ।
मन्थली–रामेछाप सडक खण्डको विच भाग स्थित गणेश चोकमा निर्माण गरिएको उक्त मन्दिरमा जडान गरिएको मुर्ति, गजुर र रंगिन पेन्ट अनि बाहिर राखिएको घण्टले मन्दिरको सुन्दरतालाई निकै साथ दिएको छ । चारैतिरबाट सजिलै र खुल्ला रुपमा देखिने सुन्दरताका कारण मन्दिरमा दर्शनको लागि स्थानीय भक्तजनको अलाबा वाह्य भक्तजनहरू समेत आउन थालेका छन् ।
दैनिक नित्य पूजा गर्ने ब्यवस्था मिलाईएको उक्त मन्दिर सँगै रहेको शिवजीको मन्दिर र निर्माणाधिन पार्कले पनि सो मन्दिरलाई सुन्दरता भर्ने काम गरेका छन् । मन्दिर संगैको निर्माणाधिन पार्कको लागि चालु आबमा सम्पन्न हुनेगरी प्रदेश सरकार बाट विनियोजित २० लाख रुपैया मार्फत काम गर्ने गरी संझौता समेत भैसकेको छ । उक्त पार्कका लागि पनि मन्दिरको सुन्दरता बरदान सावित हुने स्थानीय बिष्णु प्रसाद घिमिरेले वताउनुभयो ।
यो बारेमा तपाईको प्रतिकृया