मौका छोप्दै रासम

रामेछाप २२ माघ । पछिल्लो समयमा सरसफाई र सामजिक कृयाकलापमा आफ्नो छवि उच्च वनाउदै गैरहेको रामेछाप सहयोगी मनहरु ( रासम )ले विहिवार नेपाल वन्दको मौका छोपेर आफ्नो सरसफाईलाई तिव्रता दिएको छ । वन्दको मौका छोपी मन्थली वजारमा रहेका पोल र सडक पेटीमा रहेका वोट विरुवाका फेदमा रङ रोगन गरेको हो ।

अघिपछि मानिस र सवारी साधनको आवागमन, धुलो,धुवा र वजारमा मानिसहको भिड हुँदा रङ रोगनको काममा वाधा पुग्ने भएकाले आकस्मिक रुपमा भएको नेपाल वन्दको मौका छोपेर यस्तो काम गरेको रासमका सदस्य जयराम मानन्धरले बताउनुभयो । उहाले ति पोलहरुमा टासिएका कागजपत्रहरु हटाएर सफा गरी ५ वटा कलर लगाउने योजना रहेको वताउनुभयो ।