रामेछाप,१४ फागुन । सामुदायिक मेलमिलापकर्ता समाज नेपाल जिल्ला शाखा रामेछापको चौथो साधारण सभा मन्थलीमा शुक्रवार सम्पन्न भएको छ ।
समाजका अध्यक्ष हिमाल ढुंगेलको अध्यक्षतामा सम्पन्न उक्त साधारण सभाको उद्घाटन मन्थली नगरपालिकाका नगर प्रमुख रमेश कुमार बस्नेतले गर्नु भएको थियो ।
कार्यक्रमका अवसरमा वोल्दै प्रमुख बस्नेतले सामुदायिक मेलमिलापकर्ताहरुको असाध्यै महत्व रहेको भन्दै समाजमा भएका विभिन्न किसिमकाझै झगडाहरू मिलाउने सन्दर्भमा उनीहरुको महत्वपूर्ण भुमिका रहने वताउनुभयो ।
सो अवसरमा वोल्दै नेपाल पत्रकार महासंघ रामेछापका अध्यक्ष रमेश ढुंगेलले मेलमिलापकर्ताहरुले आफ्नो दक्षता र क्षमता बिक्रि गर्न सक्नु पर्ने भन्दै वर्तमान सन्दर्भमा पालिका देखि सर्वोच्च अदालत सम्म मेलमिलापकर्ताहरुको भुमिका निक्कै महत्वपुर्ण रहने गरेको वताउनुभयो ।
रामेछाप वार इकाइका अध्यक्ष विचार सिं तमाङले कानुन ब्यवसायिले वहस गर्दा वादि वा प्रतिवादीको पक्ष वा विपक्षमा गर्नुपर्ने भएपनि मेलमिलापकर्ताहरुले वहस गर्दा जीत जितको सिद्धान्त अपनाएर दुवैको पक्षमा गरिने वताउनुभयो ।
कार्यक्रमका अवसरमा तामाकोशी सेवा समितिका अध्यक्ष गुञ्ज वहादुर श्रेष्ठले संस्थामार्फत सञ्चालनमा रहेको मेलमिलाप सम्वन्धी परियोजना वहिर्गमन हुन लागेको भन्दै परियोजना नभएपनि मेलमिलापकर्ताहरुले आफ्नो कामलाई जारी राख्न सक्नु पर्ने वताउनुभयो । साधारण सभाले संस्थाको आर्थिक तथा सांगठनिक प्रतिवेदन समेत पास गरेको छ ।
यो बारेमा तपाईको प्रतिकृया