रामेछाप २२ फागुन ।नेपाल प्रेस युनियन रामेछापको सातौं वार्षिक साधारण सभा तथा वनभोज कार्यक्रम शनिवार मन्थलीमा सम्पन्न भएको छ ।
संस्थाका अध्यक्ष अप्रिल अधिकारीको अध्यक्षतामा सम्पन्न उक्त कार्यक्रमको उद्घाटन नेपाल प्रेस यूनियन वागमति विशेष क्षेत्रका सचिब हिमाल ढुंगेलले केक काटेर गर्नु भएको थियो ।
कार्यक्रको अवसरमा बोल्दै प्रमुख अथिति ढुंगेलले पत्रकारहरु ब्यवसायिक र इमान्दार हुनुपर्ने वताउनुभयो । उहाले पछिल्लो समयमा पित पत्रकारीता वढदै जान लागेको मा दुख ब्यक्त गर्दै यस्तो खालको कृयाकलापले पत्रकारिता पेशा नै संकटमा पर्ने सम्भावना रहेको वताउनुभयो ।
कार्यक्रमका विशिष्ट अतिथि एबं नेपाल पत्रकार महासंघ वागमती प्रदेशका सदस्य बद्री नयाँघरेले विगत देखि वर्तमान सम्म आइपुग्दा पत्रकारिताले निक्कै फड्को मारेको भन्दै यसलाई मर्यादित र ब्यवस्थित वनाउन हामी सबैको कर्तब्य भएको वताउनुभयो । उहाले पत्रकार संँग सम्बन्धित संघ संगठनहरु मिलेर काम गर्नेहो भने जिल्लामा ब्यवसायिक पत्रकारीताको विकास गर्न निक्कै सजिलो हुने वताउनुभयो ।
कार्यक्रका अवसरमा वोल्दै कार्यक्रमका अतिथि एबं नेपाल पत्रकार महासंघ रामेछापका अध्यक्ष रमेश ढुंगेलले महासंघमा आवद्ध सबै सदस्यहरु क्रियासिल नदेखिएकोले क्रियासिल नभएका पत्रकारहरु अब शुद्धिकरण मा पर्ने वताउनुभयो ।
उहाले महासंघमा मात्र नभएर प्रेस युनियन र प्रेस सँग सम्वन्धीत अन्य संगठनहरुले पनि आफ्ना सदस्यहरुलाई पेशामा कृयासिल वनाउनु पर्ने वताउनुभयो । उहाले अहिलेको पत्रकारिता पैसाको आधारमा हुने गरेको भन्दै यस्तो कार्य हुनु नहुने वताउनुभयो ।
सो अवसरमा वोल्दै पत्रकार महासंघका पूर्व अध्यक्ष टिका प्रसाद भट्टले पत्रकारहरुको कृयाकलापका आधारमा उनीहरुलाई समाजले हेर्ने दृष्टिकोण फरक हुने भन्दै राम्रा र असल खालका कामहरु मात्र पत्रकारहरुले गर्नुपर्ने वताउनुभयो । उहाले अहिले खुलेका अनलाइनले चाकडिका समाचारहरु लेख्ने, विज्ञापनलाई समाचार वनाइदिने जस्ता कामहरु गर्ने गरेको पाइएकोले त्यस्तो गर्न नहुँने वताउनुभयो ।
कार्यक्रमका अवसरमा ट्रेड युनियन काँग्रेस रामेछापका अध्यक्ष पूर्ण सुवेदी, उमाकुण्ड गाउपालिकाका वडा नं ३ का अध्यक्ष रमेश कुमार सुनुवार प्रेस युनियनका उपाध्यक्ष खिला वाहादुर महत लगाएतले आ आफ्नो मन्तब्य राख्नु भएको थियो । सो अवसमार पत्रकार टंक गौतम प्रेस युनियनमा प्रवेश गर्नु भएको छ।
साधारण सभाले कोषाध्यक्ष कुमार श्रेष्ठ द्धारा प्रस्तुत आर्थिक प्रतिवेदन र सचिव रामचन्द्र वि क द्धारा प्रस्तुत सांगठनिक प्रतिवेदनहरु पास गर्नुका साथै यहि फागुन २५ गते काठमाण्डौमा हुने सामुदायिक रेडियो प्रसारक संघ(एकोर्याप) को केन्द्रीय महाधिवेशनमा रामेछापबाट दिपक घिमिरे र नेपाल पत्रकार महासंघको चैत्र ७ गते भित्र हुने महाधिवेशनमा केन्द्रीय सदस्य (वागमती प्रदेश) मा उमेद्वारी दिन रमेश ढुंगेललाई पठाउने र आसन्न पत्रकार महासंघको निर्वाचनका लागि प्रेस युनियनको तर्फवाट अन्य संगठनहरु सँग छलफल गर्न टिका प्रसाद भट्टको संयोजकत्वमा हिमाल ढुंगेल र अप्रिल अधिकारी सहित ३ सदस्यीय वार्ता समिति समेत गठन गर्ने लगाएतका निर्णयहरु गरेको छ ।
यो बारेमा तपाईको प्रतिकृया