रामेछाप, १ चैत । रामेछाप जिल्लाको सेलेघाट–साँघुटार सडकको कालोपत्रेको काम गर्न थालेको निर्माण ब्यवसायिको मनोमानिले स्थानियहरु लाई समस्या परेको भन्दै सरोकरवालाहरुले पत्रकार सम्मेलन गरेका छन् । सडक कालोपेत्रेका नाममा कम्पनिले एकै पटक सडक चौडा पार्दै गर्दा स्थानीयलाई बेवास्ता गर्दे सडक आसपासका संरचनामा ब्यापक क्षति पुुर्याएको भन्दै आईतबार स्थानीयले पत्रकार सम्मेलन गरेका हुन् ।
निर्माण कम्पनिले आफु र सडक विभाग विचको संझौताको समेत बेवास्ता गर्दे मनोमानी ढंगले काम गरेको गुनासो उनीहरूले गरेका छन् । ठेकेदार कम्पनिले साविकका मुल बाटो,सिंचाइको कुलो नियमित सञ्ंचालनमा रहेका पानीको योजना,मठ मन्दिर,चौतार र ब्यक्तिका घरमा समेत क्षति पुरयाए पछि स्थानीयले आईतवार पत्रकार सम्मेलन मार्फत न्यायको याचना गरेका हुन् ।
रामेछाप नगरपालिका वडा नं–२ का वडा सदस्य सुशिलहरि बख्रेलको नेतुत्वमा सदरमुकाम मन्थली आएका पिडितहरूले आईतबार पत्रकार सम्मेलनको आयोजना गरी ठेकेदारको मनोमानी विरुद्ध आफुहरू प्रशासन र संचारमाध्यमलाई गुहार्न बाध्य भएको उनीहरूले बताएका छन् । पत्रकार सम्मेलन मार्फत आफ्ना समस्याका बारेमा सार्वजनिक गरेको टोलीले आईतबारै प्रमुख जिल्ला अधिकारी गौलोचन संैजुलाई भेटेर समस्याका बारेमा ध्यानाकर्षण पत्र बुझाएका छन् ।
सिन्धुली र रामेछापको सिमानामा रहेको सेलेघाट देखि साँघुटार सम्म ५२ किलोमिटर लम्बाई सडक शिद्धशाही निर्माण सेवा कम्पनीले कालोपत्रे गर्ने जिम्मा लिएको थियो । करिब १ अर्ब ६४ करोडको लागतमा सडक कालोपत्रेको काम यसै वर्षदेखि शुरु भएपछि उत्साहित बनेका स्थानीयहरू ठेकेदारको मनोमानीले अन्यायमा परेको नेतृत्वकर्ता सुशिलहरि बख्रेलले बताउनु भयो ।
स्थानीय सरोज श्रेष्ठले निर्माण कम्पनीले सडक भत्काए संगै अत्याबश्यक संरचनाहरू नवनाएको,पैदल यात्रीलाई वाटोको काम हुँदै छ भन्दै घण्टौं रोक्ने गरेका, पहुँच हुनेको जग्गा कम क्षति गरेको र पहुँच नहुनेको वढि क्षति गरेको धुलो सडकमा पानी हाल्ने नगरेको गुनासो गर्नुभयो ।
साघुटारका स्थानीय युवराज सुवेदीले भत्काएका संरचनाहरु काम चलाउ रुपमा भएपनि तत्काल निर्माण गरिदिनु पर्ने संझौताको वेवास्ता गर्दै हेपाहा प्रबृति देखाएकोले आफुहरू संचारकर्मीहरु सँग सहायोगको याचना गर्न मन्थली आएको वताउनुभयो । स्थानीय राम बुढाथोकीले आयोजनाको ठेकेदारले ज्यादै लापर्वाहि गरेको जसका कारण सिंगो गाउनै समस्यामा परेको गुनासो गर्नु भयो । उहाँले भन्नु भयो खानेपानी,कुलो र सडक अनि मन्दिर र नीजि घर समेत जोखिममा पर्दा पनि ठेकादरले ब्यवास्ता गरेर आमिलाई अन्याय गरेको छ त्यहि भएर न्यायको खोजि गर्न सञ्चारकर्मी र प्रमुख जिल्ला अधिकारी समक्ष आइपुगेको वताउनुभयो ।
ठेकेदार कम्पनिले गरेको गलत कामको बारेमा पहिलो पटक प्रशासनमा लिखित रुपमा सरोकारवालाहरू बाट गुनासो आएकोले यसलाई आफुले तत्काल दुवै पक्षलाई राखेर छलफल गर्ने प्रजिअ सैंजुले बताउनु भयो । उहाँले भन्नु भयो –“नियम र संझौता बाहिर गएको पाईए त्यसको सबै जिम्मा निर्माण कम्पनिले ब्यहोर्नु पर्ने हुन्छ, अन्यथा नागरिकलाई दुख दिन पाईदैन् ।”
यो बारेमा तपाईको प्रतिकृया