रामेछाप ३१ चैत्र । मन्थली नगरपालिकाले नव वर्ष २०७८ को अबसरमा ब्यक्तीगत घटना दर्ता अभियानको प्ररम्भ भएको जानकारी गराउदै शुभकामना आदान प्रदान समेत गरेको थियो ।
नगरपालिकाले मंगलबार औपचारीक कार्यक्रम मार्फत उक्त अभियानको जानकारी सहित शुभकामना प्रदान गरेको हो ।
नगरपालिकाका प्रमुख रमेश कुमार बस्नेतको अध्यक्षतामा भएको उक्त र्र्काक्रमका अवसरमा मुख्य ब्यानर नयाँ वर्षको अबसरमा शुभकामना आदान प्रदान कार्यक्रम संगै बैशाख १ गते वाट नगरपालिकाले शुरु गर्न लागेको सामाजिक सुरक्षा तथा ब्यक्तिगत घटना दर्ता अभियान २०७८ का वारेमा सार्वजनिकीकरण समेत गर्नु भएको थियो ।
शुभकामना आदान प्रदान कार्यक्रममा पालिकाका उप–सचिव हेमन्त बुढाथोकीले सहभागिहरू सबै जनालाई स्वागत गर्दे कार्यक्रमको उदेश्य माथि प्रकास पार्नु भएको थियो ।
सो अबसरमा उहाँले नगरका सबै वडामा घट्ना दर्ताको शिविर संचालन गरी बैशाख १ गते बाट बैशाख १६ गते भित्रमा सबै वडाहरुमा व्यक्तीगत घटना दर्ता अभियान चलाईने भएकोले आफुलाई पाएक पर्ने शिविरमा संम्पर्क राख्ने संबन्धीत पक्षलाई आग्रह गर्नु भयो ।
त्यसैगरी अभियानका बारेमा सर्वसाधारण सम्म सुचना प्रवाह गर्नका लागि पनि आबश्यक तयारी शुरु भैसकेको जानकारी सो अबसरमा बुढाथोकीले दिनु भएको थियो ।
सूचना संगै बैकिङ्ग सेबा मार्फत सुरु भएको सामाजिक सुरक्षा भत्ता वितरण प्रणालीलाई थप ब्यवस्थित बनाउने तर्फ शिविर प्रभाबकारी हुने जनाकारी पनि उपसचिब वुढाथोकिले गराउनु भएको थियो
वडाध्यक्ष र कार्यपालिकाका सदस्य लगाएत नगरपालिकाका सबै जसो शाखाका प्रमुख र कर्मचारीहरू समेतको उपस्थितिमा भएको उक्त कार्यक्रममा मन्थली नगरपालिकाका प्रमुख रमेश कुमार बस्नेत र उप प्रमुख मायाँ कुमारी कार्कीले पनि नयाँ बर्ष २०७८को अबसरमा सहभागिहरू सबैलाई शुभकामना दिनुभएको थियो । उक्त कार्यक्रममा नगरपालिकाले नेपाल पत्रकार महासंघका नव निर्वाचित पत्रकारहरूलाई समेत आमन्त्रण गरिएको थियो ।
यो बारेमा तपाईको प्रतिकृया