आगलागि बाट दोरम्बामा दुई घर जले

रामेछाप,४ बैशाख । रामेछाप जिल्लाको दोरम्बा गाउँपालिका –२ मा लागेको आगोले जलेर २ घर नष्ट भएका छन् । शुक्रबार विहानको समयमा लागेको आगोले दुईवटा घर जलेर नष्ट भएको प्रहरीले जनाएको छ । उक्त घरमा ३ परिबार वस्दै आएका थिए ।
आगोका कारण स्थानीय डिक बहादुर नेपाली,तुलसी नेपाली र सन्तमायाँ नेपालीको घर जलेर नष्ट भएको थियो । डिक बहादुरको घरबाट निस्किएर भएको आगलागिकोखबर थाहा पाउना साथ दोरम्बा टुकडिबाट नेपाली सेना र दोरम्वा प्रहरी चौकिमा भएका प्रहरीहरुको टोली घटनास्थल पुगेको भएपनि टोलीले उक्त आगो नियन्त्रणमा लिन नसकेपछि संगै रहेका दुवै घर जलेर नष्ट भएका हुन् ।
आगलागि बाट मानविय रुपमा क्षति नभएपनि घर भित्र राखेका नगद,गरगहना,अन्नपात समेत गरि करिब १८ लाख रुपैयाँ बराबरको धनमाल नष्ट भएको छ । आगलागि पीडितहरूलाई घटनास्थलमानै पुगेर पालिकाका अध्यक्ष कमान सिंङ्ग मोक्तान र वडा अध्यक्ष खड्ग बहादुर श्रेष्ठले त्रिपाल,लता कपडा र दाल चामल लगाएतको सामाग्री वितरण गर्नु भएको थियो ।